ပရိသတ်တွေရဲ့ အချစ်တော်တစ်ယောက်ဖြစ်တဲ့ မင်းသမီးချော ခိုင်နှင်းဝေကတော့ အနုပညာလောကမှာလည်း အောင်မြင်မှုတွေ ရထားတဲ့ မင်းသမီးတစ်ယောက်ဖြစ်သလို ကိုယ်ကျိုးစွန့်ပြီး အလှူအတန်းလည်း ရက်ရောလွန်းတာကြောင့် ပရဟိတမင်းသမီးလေးလို့တောင် တင်စားခေါ်ဝေါ်ကြပါသေးတယ်။

ခိုင်နှင်းဝေက အကြောင်းအမျိုးမျိုးကြောင့် စွန့်ပစ်ခံထားရတဲ့ ကလေးလေးတွေကိုလည်း ဖခင်ရော မိခင်လိုပါမေတ္တာအပြည့်နဲ့ စောင့်ရှောက်နေသူလည်းဖြစ်ပါတယ်။ ဒီတစ်ခါမှာလည်း ခိုင်နှင်းဝေက ကန်ဘောင်မှာ စွန့်ပစ်ခံရတဲ့ကလေးလေးကို ထပ်မံမွေးစားလိုက်တာပဲ ဖြစ်ပါတယ်။

ခိုင်နှင်းဝေက " မြောက်ဥက္ကလာ အောင်မင်္ဂလာ ကန်ဘောင်ပေါ် မှာ မွေးကင်းစ သမီးလေး တစ်ဦးကို စွန့်ပစ်သွားကြောင်း ရပ်ကွက်မှ တာဝန်ရှိ လူကြီးများ နှင့် "ထာဝရ အလင်းတန်း" ပရဟိတ အသင်း မှ ဆက်သွယ်လာတဲ့ အတွက် လက်ခံ စောင့်ရှောက်ဖြစ်ပါတယ်ရှင်... " ဆိုပြီး သူမရဲ့ လူမှုကွန်ယက်ထပ်မှာ ရေးသားထားတာပဲ ဖြစ်ပါတယ်။

သတင်း အရင်းအမြစ်៖ Khine Hnin Wai's FB Acc