Exo အဖွဲ့ဝင်ဟောင်း ဖြစ်တဲ့ တရုတ်အဆိုတော် Tao (Huang Zito) ဟာဆိုရင် SM Entertainment မှာလေ့ကျင့်ခဲ့တဲ့ သင်တန်းသူဟောင်းတစ်ယောက်နဲ့ ဒိတ်လုပ်နေတယ်လို့ သတင်းတွေထွက်နေပါတယ်။ နိုဝင်ဘာ ၁ ရက်က ဒေသမီဒီယာတွေက ဖော်ပြနေကြတဲ့သတင်းတွေအရ Tao ဟာ အဆိုတော်ကောင်မလေး Xu Yiyang ကို သူ့မိခင်နဲ့တွေ့ပေးဖို့ ခေါ်သွားခဲ့တယ်လို့ သိရပါတယ်။
ထွက်လာတဲ့ပုံတွေမှာတော့ Tao ကကောင်မလေးကို ဟင်းတွေခပ်ထည့်ပေးနေတာတွေ့ရပြီး ရယ်ရယ်မောမော စကားလက်ဆုံကျနေကြတာကိုလည်း တွေ့ရပါတယ်။ ပြီးတော့လည်း Tao နဲ့ ကောင်မလေးတို့နှစ်ဦးသားဟာ အိမ်ထဲကပရိဘောဂ ပစ္စည်တွေကိုလည်း အတူတူရွေ့ပြောင်းနေကြတာကိုလည်း တွေ့ခဲ့ရတာကြောင့် သူတို့နှစ်ဦးတွဲနေကြတယ်ဆိုတဲ့ သတင်းတွေထပ်ပြီးထွက်လာနေတာဖြစ်ပါတယ်။
ဖေဖော်ဝါရီလတုန်းကလည်း သူတို့နှစ်ဦးကို ကမ်းခြေမှာတူတူအပန်းဖြေနေတာတွေ့ရပြီး သူတို့တွဲနေကြတယ်ဆိုတဲ့သတင်းတွေထွက်ပေါ်ခဲ့ဖူးပါတယ်။ အဲ့ဒီတုန်းကတော့ Tao ဘက်သူတို့ဟာရိုးရိုးသာသားခင်မင်ကြတဲ့ သူငယ်ချင်းတွေပါလို့ ပြန်ပြီးငြင်းခဲ့ဖူးပါသေးတယ်။
Tao ကတော့ EXO အဖွဲ့နဲ့အတူ ၂၀၁၂ ခုနှစ်မှာပွဲဦးစထွက်ခဲ့ပြီး ၂၀၁၅ ခုနှစ်မှာတော့ ပြဿနာတချို့ကြောင့် အဖွဲ့ကနေနှုတ်ထွက်သွားခဲ့ပြီး တရုတ်မှာအနုပညာလှုပ်ရှားမှုတွေဆက်ပြီး လုပ်နေတယ်လို့ သိရပါတယ်။
Photos-credit
သတင်း အရင်းအမြစ်៖ KBIZoom
Bong I.T