အောက်တိုဘာလ ၂၉ ရက်နေ့တုန်းက တောင်ကိုရီးယားနိုင်ငံ အီထယ်ဝန်ရဲ့ သရဲများနေ့ပွဲတော်အခမ်းအနား အစုလိုက်အပြုံလိုက်သေဆုံးမှုကြီးမှာ Produce 101 Season 2 အဖွဲ့ဝင်တစ်ယောက်ဖြစ်သလို သရုပ်ဆောင် တစ်ယောက်လည်းဖြစ်တဲ့ Lee Jihan လည်းပါဝင်ခဲ့ပါတယ်။ အီထယ်ဝန်ရဲ့ သရဲများနေ့ပွဲတော် မတော်တဆမှုကြီးမှာ စုစုပေါင်း လူအယောက် ၁၅၀ ကျော်သေဆုံးခဲ့ပြီး လူအများအပြား ဒဏ်ရာရခဲ့ပါတယ်။ 

Lee Jihan က ကွယ်လွန်သွားချိန်မှာ အသက် ၂၅ နှစ်အရွယ်ရှိပြီဖြစ်ပြီး အောက်တိုဘာလ ၂၉ ရက်နေ့မှာ ကွယ်လွန်ဆုံးပါးသွားခဲ့တာဖြစ်ပါတယ်။Lee Jihan ရဲ့ အသုဘအခမ်းအနားကို Myongji ဆေးရုံမှာ နိုဝင်ဘာလ ၁ ရက်နေ့မှာ ကျင်းပပြုလုပ်သွားမှာ ဖြစ်ပါတယ်။

Lee Jihan က ၁၉၉၈ ခုနှစ်မှာ မွေးဖွားခဲ့တဲ့သူဖြစ်ပြီး ၂၀၁၇ ခုနှစ်မှာ Producte 101 Season 2 မှာ ပါဝင်ခဲ့ဖူးပါတယ်။ Lee Jihan ဟာဆိုရင် Today Was Another Namhyun Day ဒရမ်မာထဲမှာလည်း ပါဝင်သရုပ်ဆောင်ခဲ့ဖူးပါတယ်။

Lee Jihan ဟာဆိုရင် မကြာသေးမီတုန်းက MBC ရဲ့ဇာတ်လမ်းတွဲတစ်ခုမှာ ပါဝင်သရုပ်ဆောင်ထားပြီး သူ့ရဲ့ ဇာတ်လမ်းလေးက ဇန်နဝါရီလ ၊ ၂၀၂၃ ခုနှစ် မှာ ထွက်ရှိသွားမှာဖြစ်တယ်လို့ သိရပါတယ်။ 

အရွယ် မတိုင်ခင်မှာ ကွယ်လွန်သွားခဲ့တဲ့ကောင်လေး ကောင်းရာမွန်ရာရောက်ပါစေနော် ကလေးရေ  ..