တောင်ကိုရီးယားမင်းသမီးကြီး Ok So Ri ဟာဆိုရင် ၉၀ ပြည့်နှစ်တွေတုန်းက တဟုန်ထိုး အောင်မြင်ကျော်ကြားခဲ့တဲ့သူဖြစ်ပါတယ်။ Ok So Ri က အလှအပစံချိန်စံနှုန်းတွေနဲ့ ကိုက်ညီတဲ့သူဖြစ်ပြီး အရည်အချင်းရှိလွန်းတဲ့သူဖြစ်တာကြောင့် သူမကို အားပေးတဲ့ ပရိသတ်တွေဟာလည်း အများကြီးပဲ ဖြစ်ပါတယ်။ 

ငယ်ရွယ်စဉ်အချိန်မှာ အောင်မြင်မှုတွေ ရယူနိုင်ခဲ့ပေမယ့် Ok So Ri က ရုပ်ရှင်ကားတိုင်းမှာ မပါဝင်ခဲ့ပါဘူး။ အဲဒီနောက်ပိုင်းမှာ Ok So Ri က အိမ်ထောင်ပြုခဲ့ပြီး အနုပညာလောကထဲကနေ ပျောက်ကွယ်သွားခဲ့ပါတယ်။ ဒါပေမယ့်လည်း ၂၀၀၈ ခုနှစ်မှာ Ok So Ri ရဲ့ခင်ပွန်းဖြစ်သူ Park Chul က Ok So Ri ကို အော်ပရာအဆိုတော် ၊ အီတလီစားဖိုမှူး စတဲ့ ယောကျာ်းတွေနဲ့ဖောက်ပြန်နေတယ်ဆိုပြီး စွပ်စွဲခဲ့ပါတယ်။ Park Chul က ဇနီးဖြစ်သူ Ok So Ri ကိုထောင်ဒဏ် ၂ နှစ်အထိ ချခဲ့ပြီး Ok So Ri ရဲ့ ဇနီးတာဝန်မကျေတဲ့အပေါ်စွပ်စွဲခဲ့ပါတယ်။ 

Ok So Ri က စစ်ဆေးမှုများပြုလုပ်ပြီးနောက်မှာ အမှုရှုံးခဲ့ပြီး ဝမ်သန်း ၈၇၀ကျော် လျော်ကြေးပေးဆောင်ခဲ့ရပါတယ်။ သမီးဖြစ်သူကိုလည်း ထိန်းသိမ်းစောင့်ရှောက်ခွင့် ဆုံးရှုံးခဲ့ရပါတယ်။ သမီးဖြစ်သူကို လစဉ်လတိုင်း ထောက်ပံ့ကြေး ၁ သန်းကို ၂၀၁၉ ခုနှစ်အထိပေးဆောင်ဖို့တာဝန်ပေးခြင်းလည်း ခံခဲ့ရပါတယ်။

  အမျိုးမျိုးသော ဖိအားတွေ ကြားထဲမှာ Ok So Ri က အနုပညာလောကထဲကနေပါ ထွက်ခဲ့ရပြီး လက်ရှိအချိန်အထိ နောင်တတွေနဲ့နေခဲ့ရပါတယ်။

အောင်မြင်မှုတွေ ရရှိခဲ့ပေမယ့်လည်း အနုပညာလောကထဲကနေ ပျောက်ကွယ်သွားရတဲ့ အပြင် သမီးလေးနဲ့ပါ တွေ့ခွင့်မရှိတော့တဲ့ တောင်ကိုရီးယားမင်းသမီး Ok So Ri ရဲ့အကြောင်းကို ပရိသတ်ကြီးအတွက် ဝေမျှပေးလိုက်ပါတယ်။