ပရိသတ်တွေရဲ့ အချစ်တော် တစ်ယောက်ဖြစ်တဲ့ သရုပ်ဆောင် နန်းမြတ်ဖြိုးသင်းကတော့ အနုပညာလောကကို ဂီတကနေ တစ်ဆင့် ကူးပြောင်းခဲ့သူလည်းဖြစ်ပါတယ်။

နန်းမြတ်ကတော့ ခင်ပွန်းဖြစ်သူ ကွယ်လွန်ပြီးနောက်ပိုင်း သားနဲ့သမီးနဲ့ကို မိခင်လိုရော ဖခင်လိုပါ တစ်ယောက်တည်း ပြုစုစောင့်ရှောက်နေတာကြောင့် ပရိသတ်တွေကတောင်ချီးကျူးနေခဲ့ရပါတယ်။ နန်းမြတ်ရဲ့ သားလေး ဂျက်ဂျက်နဲ့ သမီးလေး ဂျူးဂျူးကလည်း အရွယ်နဲ့ မလိုက်အောင်ကို လိမ္မာရေးခြားရှိ လွန်းလှပြီး ချစ်စရာကောင်းလှတာကြောင့် ပရိသတ်တွေက အချစ်ပိုနေခဲ့ကြပါသေးတယ်။

သားနဲ့ သမီးအကြောင်းကို အမြဲတင်ပေးလေ့ရှိတဲ့ နန်းမြတ်က ဒီတစ်ခါမှာလည်း အလိုက်သိတတ်လွန်းတဲ့ သားလေးရဲ့ စကားတစ်ခွန်းကြောင့် သူတောင် မျက်ရည်ကျခဲ့ရတယ်ဆိုတဲ့အကြောင်းလေးကို ပြောပြလာပါတယ်။ နန်းမြတ်က " My sweetest Son 💞

ဂျက်လေးကိုအမြဲတမ်းအိပ်ခါနီးတိုင်းစာအုပ်သုံးအုပ်ဖတ်ပြနေကျ

ဒီညတော့”မေမေ..၁အုပ်ပဲဖတ်မယ်နော်”တဲ့

ဘာလို့လဲလို့မေးတော့ “ဒီနေ့မေမေပင်ပန်းနေလို့”တဲ့

ရင်ထဲမှာပြောမပြတတ်တဲ့ကြည်နူးမှုနဲ့အတူမျက်ရည်ကလဲကျလာသေးတယ် 😥" ဆိုပြီး သူမရဲ့ လူမှုကွန်ယက်ထက်မှာ ရေးသားထားတာပဲ ဖြစ်ပါတယ်။

Source : Nann Myat Phyo Thinn's FB Acc