မကြာသေးမီက တောင်ကိုရီးယား အဆိုတော် ၊ သရုပ်ဆောင်တစ်ယောက်ဖြစ်တဲ့ ရိန်းက ဇနီးဖြစ်သူကင်တေဟီးကိုလိမ်လည်လှည့်စားပြီး ဂေါက်ကစားသမားကောင်မလေးတစ်ယောက်နဲ့ ဖောက်ပြန်နေတယ်ဆိုတဲ့ သတင်းတွေထွက်ရှိလာခဲ့ပါတယ်။
![Google ](https://s9.kh1.co/__image/w=650,h=434,q=100/dc/dcab4f3bffa10cfbc8a383c415d1b6403337faf1.jpeg)
အဆိုပါသတင်းနဲ့ပတ်သက်ပြီး ရိန်းရဲ့ အေဂျင်စီဘက်ကနေ ကောလာဟလတွေကို ငြင်းဆန်ခဲ့ပါတယ်။ ရိန်းရဲ့အေဂျင်စီက အဆိုပါ ကြေညာချက်ကို လေးလေးနက်နက်နဲ့ ပြတ်ပြတ်သားသား ထုတ်ပြန်ခဲ့တာဖြစ်ပြီး အွန်လိုင်းပေါ်က ကောလာဟလတွေက မမှန်ကန်ကြောင်း ၊ အခြေအမြစ်မရှိကြောင်းကို ငြင်းဆိုခဲ့ပါတယ်။ ကောလာဟလတွေနဲ့ပတ်သက်ပြီးတော့လည်း တရားဝင် ကြေညာချက်တစ်ခု မကြာခင်မှာ ထုတ်ပြန်ပေးမယ်လို့လည်း ထပ်မံကြေညာခဲ့ပါသေးတယ်။
![Google](https://s9.kh1.co/__image/w=650,h=315,q=100/43/4364c79196528f60e7a71cd68b38bf7def419c36.jpeg)
ရိန်းက ဂေါက်ရိုက်ကစားသမားအမျိုးသမီးနဲ့ ဖောက်ပြန်နေတယ်ဆိုတဲ့သတင်းက တောင်ကိုရီးယားမှာ တော်တော်လေး နာမည်ကြီးခဲ့တဲ့ သတင်းဖြစ်ခဲ့ပါတယ်။ ဒါကြောင့် အနုပညာရှင်တွေရဲ့ ဂုဏ်သိက္ခာအတွက် အေဂျင်စီဘက်ကနေ ချက်ချင်းဖြေရှင်းပေးခဲ့တာဖြစ်ပါတယ်။ ပရိသတ်တွေအနေနဲ့လည်း ရိန်းက ရွှေမင်းသမီးလေးလိုမျိုးလှပတဲ့ကင်တေဟီးကို ထားသွားပြီး ဂေါက်ကစားသမားနဲ့ ဖောက်ပြန်နေတယ်ဆိုတဲ့ သတင်းက လုံးဝ မဖြစ်နိုင်ဘူးလို့ထင်ကြေးပေးထားကြပါတယ်။
![Google](https://s9.kh1.co/__image/w=650,h=407,q=100/48/487c17f77df647039403c9782512e60cbc096834.png)
![Google](https://s9.kh1.co/__image/w=650,h=392,q=100/f3/f3be6ac4dba33ec08df5eefc908c2efa0f0f7464.png)
တောင်ကိုရီးယား အဆိုတော်သရုပ်ဆောင်ရိန်းက ၊ မင်းသမီး ကင်တေဟီးနဲ့ ၂၀၁၇ ခုနှစ်မှာ လက်ထပ်ခဲ့တာဖြစ်ပြီးလက်ရှိမှာ သမီးလေး နှစ်ယောက်ကို ရရှိပိုင်ဆိုင်ထားပါတယ်။
![Google](https://s9.kh1.co/__image/w=650,h=325,q=100/28/287414fa953abb56eec95636725bc7b7f07a128b.png)