DOTS ဇာတ်လမ်းတွဲအပြီးမှာနာမည်မရှိတဲ့ သရုပ်ဆောင်ဘဝကို ပြောင်းလဲနိုင်ခဲ့တဲ့ မင်းသား

တောင်ကိုရီးယားမင်းသား Lee Yi Kyung  ဟာဆိုရင် ၂၀၁၁ ခုနှစ်မှာ ပွဲဦးထွက်လာတဲ့သူဖြစ်ပါတယ်။ Lee Yi Kyung  ဟာပွဲဦးထွက်ပြီး ၅ နှစ်အကြာမှာ Descendants of the Sun ဇာတ်လမ်းတွဲမှာပါဝင်ခဲ့ပြီး နာမည်ကြီးတဲ့ဇာတ်လမ်းတွဲတွေမှာ ပါဝင်သရုပ်ဆောင်ခဲ့ရပါတယ်။ 

Descendants of the Sun ဇာတ်လမ်းအပြီးမှာရော မတိုင်ခင်မှာရော Lee Yi Kyung ပါဝင်သရုပ်ဆောင်ခဲ့တဲ့ ဇာတ်လမ်းတွေ အများကြီးပဲ ဖြစ်ပါတယ်။ 

Lee Yi Kyung က School 2013 မှာလည်း ကျောင်းသားဆိုးလေးအဖြစ် ပါဝင်သရုပ်ဆောင်ခဲ့ပါသေးတယ်။ ဒါပေမယ့် သူ့ဇာတ်ရုပ်ကို ဘယ်သူမှ မမှတ်မိခဲ့ကြပါဘူး။ DOTS ဇာတ်လမ်းကသာ သူ့ဘဝအတွက် အမှတ်တရ အဖြစ်ရဆုံး ဇာတ်လမ်းဖြစ်ပါတယ်။ 

Lee Yi Kyung  က မျက်နှာသရုပ်ဆောင်ပိုင်းနဲ့ပတ်သက်ပြီး အရည်အချင်းရှိတဲ့သူဆိုပေမယ့် သူ့မျက်နှာနဲ့ အတည်ဇာတ်ရုပ်တွေနဲ့ မလိုက်ဖက်ပါဘူး။ 

Lee Yi Kyung  က Welcome to Waikiki ဇာတ်လမ်းမှာ ပါဝင်သရုပ်ဆောင်ပြီးနောက်မှာ ပရိတ်သတ်တွေရဲ့အားပေးမှုတွေကို တခဲနက်ရရှိခဲ့ပြန်ပါတယ်။ 

Lee Yi Kyung က နာမည်မရှိဘဲ အောက်ခြေကနေ စပြီး တက်ခဲ့ရတဲ့မင်းသားဆိုပေမယ့် ကောင်းမွန်တဲ့ ဇာတ်လမ်းတွေမှာ ပါဝင်သရုပ်ဆောင်ဖို့ ရွေးချယ်ခဲ့တာကြောင့် သူ့ရဲ့အောင်မြင်မှုဟာတဖြည်းဖြည်းနဲ့ တိုးတက်လာခဲ့ပါတယ်။