မိန်းကလေး Kpop အဖွဲ့ဖြစ်တဲ့ BLACKPINK ရဲ့ အဖွဲ့ဝင် Jisoo ကတော့ စက်တင်ဘာလ 2 ရက်နေ့ မွန်းလွဲပိုင်းက အင်ချွန်းအပြည်ပြည်ဆိုင်ရာလေဆိပ်သို့ ရောက်ရှိခဲ့ပါတယ်။ ပြီးခဲ့တဲ့လ 31 ရက်နေ့မှာတော့ ဂျပန်သို့ ထွက်ခွာသွားတဲ့ Jisoo ကတော့ Schedule တွေပြီးတဲ့နောက်မှာ ကိုရီးယားကို ပြန်လာခဲ့ပါတယ်။

ကိုရီးယားကိုရောက်တဲ့အခါမှာတော့ Jisoo ဝတ်ခဲ့တဲ့ ဖက်ရှင်က ပရိသတ်တွေရဲ့ အာရုံစူးစိုက်မှုကို ခံခဲ့ရပါတယ်။ ဒီနေ့မှာပဲ “Theqoo” ကနေ “BLACKPINK Jisoo's airport fashion entry today” ဆိုတဲ့ Caption လေးနဲ့ Jisoo ရဲ့ ပုံလေးတွေ တင်ခဲ့ပါတယ်။“NewsenTV” ကလည်း အဲ့နေ့မှာပဲ ဗီဒီယိုတစ်ခုကို တင်ခဲ့ပါတယ်။

ဗီဒီယိုထဲမှာ Jisoo ဟာ Incheon International Airport မှာ Mask နဲ့ ဦးထုပ်ဆောင်းထားပါတယ်။ သူမဟာ လေဆိပ်မှာ စောင့်ဆိုင်းနေကြတဲ့ ပရိသတ်တွေကို ပျော်ရွှင်စွာ နှုတ်ဆက်ပြီး သူတို့ပေးတဲ့ လက်ဆောင်တွေကို လက်ခံရယူရင်း ပြုံးပြခဲ့ပါတယ်။

အထူးသဖြင့် Jisoo ဝတ်ဆင်ထားတဲ့ နားကြပ်ကတော့ “Hello Kitty” စတစ်ကာကြီးတစ်ခု ကပ်ထားတာကြောင့် ပရိသတ်တွေရဲ့ အာရုံစူးစိုက်မှုကို ဖမ်းစားနိုင်ခဲ့ပါတယ်။ Netizens တွေက Jisoo ရဲ့ လေဆိပ်ဖက်ရှင်ကို ချစ် ရာကောင်းတယ်လို့ Comment လေးတွေ ပေးနေကြပါတယ်။

မကြာသေးမီက BLACKPINK က ကျန်ခဲ့တဲ့ 28 ရက် New Jersey မှာ ကျင်းပပြုလုပ်ခဲ့တဲ့ “Best Metaverse Performance” နဲ့ “Best K-pop” တို့ ဆုအမျိုးအစားကို “2022 MTV Video Music Awards” မှာ ရရှိခဲ့ပါတယ်။