မထင်မရှား ထိုင်းအကဝါသနာရှင်လေးရဲ့ ကမ္ဘာကျော်ခရီးစဥ်..

Lalisa Manoban ကို 1997 ခုနှစ်မှာထိုင်းနိုင်ငံမှာမွေးဖွားခဲ့ပြီး အမည်ရင်းကတော့ ပရန်ပရီရာဖြစ်ပါတယ်။ Lisa ဟာငယ်ငယ်လေးကတည်းက စင်ပေါ်တက်ရတာကိုနှစ်သက်ပြီး ဂီတ နဲ့ အကကို ဝါသနာကြီးခဲ့သူဖြစ်ပါတယ်။

ငယ်ငယ်က We Zaa Cool လိုခေါ်တဲ့အကအဖွဲမှာ သူ့ရဲ့ငယ်သူငယ်ချင်း အခု GOT7 အဖွဲဝင် BamBam နဲ့အတူပါဝင်ခဲ့ပြီး ပြိုင်ပွဲမျိုးစုံကိုဝင်ပြိုင်ခဲ့ကြပါတယ်။ 2010 ခုနှစ်မှာ YG ကိုလေ့ကျင့်သူအနေနဲ့ရောက်လာခဲ့ပြီး အဲ့ဒီအချိန်က ဘာသာစကားအခက်အခဲကစလို အခက်အခဲမျိုးစုံကြုံခဲ့ရကြောင်း Lisa ကပြောပြဖူးပါတယ်။

YG ဘက်က Lisa ဟာလေ့ကျင့်ရေးကာလတစ်လျှောက်စာမေးပွဲတွေတိုင်းမှာ ပထမရရှိခဲ့တယ်လိုပြောထားပေမယ့် Lisa ကတော့လေ့ကျင့်ရေးကာလဟာ အရမ်းရှည်‌လွန်းလို အိမ်ကိုခဏခဏလွမ်းပြီးငိုခဲ့ရကြောင်း သူ့ရဲ့အတွေ့အကြုံကို ပြောပြခဲ့ပါတယ်။

2016 ခုနှစ်မှာတော့ BlackPink နဲ့အတူပွဲဦးစထွက်ခဲ့ကာ လက်ရှိမှာတော့ကမ္ဘာကျော်အနုပညာကြီး အဖြစ်မြင်တွေ့နေရတာဖြစ်ပါတယ်။

ဒါ့အပြင် လီဆာဟာအနုပညာနယ်ပယ်မှာသာနာမည်ကြီးတာမဟုတ်ပဲ ဖက်ရှင်လောကမှာလည်း လွှမ်းမိုးထားနိုင်ပါတယ်။

သူ့ရဲ့ဖက်ရှင်တွေဟာအာရုံစိုက်ခံရလေ့ရှိပြီး ပြင်သစ်ကနာမည်ကြီးဖက်ရှင်ရှိးပွဲကြီးကို တက်ရတဲ့အထိကို အောင်မြင်ခဲ့ပါတယ်။

လွန်ခဲ့တဲ့ ၁၀နှစ်ကျော်က မထင်မရှား ထိုင်းအကမယ်လေးတစ်ဦးဟာ ၂၉ရက်နေ့မှာ အမေရိကန်က VMAs ဆုပေးပွဲကြီးမှာ "Best Kpop" ဆုကြီးကိုရယူပြီး သူ့ရဲ့အောင်မြင်မှုတွေကိုသက်သေပြခဲ့ပါတယ်။ 

ဒါ့အပြင် Lisa ရဲ့ solo သီချင်းတွေဖြစ်တဲ့ Lalisa နဲ့ Money ဟာဆိုရင်လည်း ကြည့်ရှုသူသန်း ၅၀၀ ကျော်ခဲ့ပါတယ်။ Lisa ဟာသမိုင်းတွင်မယ့် MTV VMAs ပွဲက "Best Kpop" ဆုကြီးကို ကမ္ဘာကျော်ပြိုင်ဖက်တွေကိုကျော်ပြီး ရရှိခဲ့ပါတယ်။

လွန်ခဲ့တဲ့ ၁၀နှစ်က အကကိုရူးသွပ်ခဲ့တဲ့ ထိုင်းနိုင်ငံက မထင်မရှားကောင်မလေးတစ်ဦးဟာ သူမရဲ့မဆုတ်မနစ်တဲ့ ကြိုးစားအားထုတ်မှုတွေနဲ့ အရှုးမပေးပဲစိန်ခေါ်မှုတွေကိုရင်ဆိုင်ရဲတဲ့ သတ္တိတွေကြောင့် အခုဆိုရင်တကမ္ဘာလုံးသိတဲ့၊ တကမ္ဘာလုံးချစ်တဲ့ Lisa အဖြစ်အောင်မြင်မှူသရဖူကိုသိမ်းပိုက်နိုင်ခဲ့ပြီ ဖြစ်ပါတယ်။

Photos-credit

Source: KBIZoom