မြန်မာပရိသတ်တွေကြားမှာ လီဆောင်းဦးလို့ လူသိများတဲ့ တောင်ကိုရီးယားမင်းသမီး Kim Hyun Joo ဟာဆိုရင်တည်ငြိမ်အေးဆေးတဲ့ အလှတရားကို ပိုင်ဆိုင်ထားတဲ့သူဖြစ်ပါတယ်။ Kim Hyun Joo ကို ဖန်ရွှေနင်းနဲ့ ယမင်းရွှေစင် ဇာတ်လမ်း (Glass Slippers) နဲ့ ပရိသတ်တွေ အများစု သိခဲ့ကြတာဖြစ်ပါတယ်။

 Kim Hyun Joo က လက်ရှိမှာ အသက် ၄၅ နှစ်အရွယ်ရှိနေပြီဖြစ်ပြီး ဘဝကြီးကို အေးဆေးတည်ငြိမ်စွာနဲ့ ဖြတ်သန်းနေ တာဖြစ်ပါတယ်။ Kim Hyun Joo က အရှိကိုအရှိတိုင်း နေထိုင်တတ်တဲ့သူဖြစ်သလို အသက်အရွယ်ကြီးရင့်လာတဲ့ မျက်နှာပုံစံကိုလည်းဖုံးကွယ်ရမှာ ရှက်တဲ့သူမဟုတ်ပါဘူး။ ဒါကြောင့် Kim Hyun Joo ရဲ့ မျက်နှာက အရေးအကြောင်းလေးတွေ နည်းနည်း ပေါ်နေပြီပဲ ဖြစ်ပါတယ်။ 

Kim Hyun Joo က ရိုက်ကူးရေး မရှိတဲ့အချိန်တွေမှာ အဝတ်အစားက အစ အရိုးရှင်းဆုံးသာ ဝတ်တတ်တဲ့သူဖြစ်ပါတယ်။ သူမက မျက်နှာကိုလည်း မိတ်ကပ်အထူကြီးတွေ လိမ်းရတာ မကြိုက်ဘဲ ပါးပါးလျားလျားလေးသာ လိမ်းခြယ်တတ်တဲ့ သူဖြစ်ပါတယ်။ သဘာဝကို မြတ်နိုးတဲ့ Kim Hyun Joo က မကြာသေးမီကလည်း လူမှုကွန်ရက်စာမျက်နှာပေါ်မှာ ဆောင်းရာသီရောက်ရှိလာပြီဖြစ်ကြောင်း စာလေးနဲ့အတူ ရိုးရှင်းတဲ့ ဓာတ်ပုံလေးတွေကို ဝေမျှပေးလာခဲ့ပါတယ်။ 

ဓာတ်ပုံလေးတွေထဲမှာ မမ Kim Hyun Joo က ချည်သား တီရှပ် အပွကလေးရယ် ၊ ချည်သားဘောင်းဘီလေးရယ်ကိုသာ ပေါ့ပေါ့ပါးပါး ဝတ်ဆင်ထားတာဖြစ်ပါတယ်။ 

ဒါပေမယ့် သူမရဲ့ အလှတရားကတော့ ဝတ်ထားတဲ့အဝတ်အစား တန်ဖိုးထက် အများကြီး ဈေးမြင့်တာကို ထင်ရှားစွာ တွေ့ရပါတယ်နော်။ 

အသက် ၄၅ နှစ်အရွယ်ဖြစ်နေပေမယ့် ကြင်ဖော်မရှာဘဲ ဘဝကြီးကို ရိုးရိုးရှင်းရှင်း ဖြတ်သန်းနေတဲ့ တောင်ကိုရီးယား မင်းသမီးကြီး Kim Hyun Joo ရဲ့ တစ်နေ့တာလှုပ်ရှားမှု ပုံရိပ်လေးကို ပရိသတ်ကြီးအတွက် ဝေမျှပေးလိုက်ပါတယ်။