BLACKPINK သည် အချိန်အတော်ကြာပြီးနောက် အဖွဲ့၏ comeback နှင့်ပတ်သက်သည့် အချက်အလက်များဖြင့် တစ်ကမ္ဘာလုံးကို ရူးသွပ်စေခဲ့တယ်။ ထုံးစံအတိုင်း BLACKPINK ဟာ MV ကိုအပြည့်အစုံမထုတ်လွှင့်မီ အဖွဲ့ဝင်တစ်ဦးချင်းစီရဲ့ teaser များကို ထုတ်ပြန်ခဲ့ပါတယ်။ သူတို့မှာ ကြော်ငြာဗီဒီယိုအားလုံးအတွက် ပရိသတ်များရဲ့ ကြီးမားတဲ့ပံ့ပိုးမှုရှိပြီး ပရိသတ်တွေက BLACKPINK ဟာ စံချိန်များစွာကို ချိုးဖျက်နိုင်မယ်လို့ ယုံကြည်နေပါတယ်။ ဒါပေမယ့်လည်း အဖွဲ့ဝင်များရဲ့ စုစုပေါင်းကြည့်ရှုမှုနှင့် ကြိုက်နှစ်သက်မှုနှုန်းမှာ မညီမျှကြောင်း လူအများက တွေ့ရှိခဲ့ကြပါတယ်။

သူတို့လေးဦးထဲမှာ Jisoo ကတော့ ပထမဆုံး Teaser တစ်ခုတည်းအတွက် YouTube ကြည့်ရှုမှု 11.5 သန်းဝန်းကျင်နဲ့ အဖွဲ့ထဲတွင် ထိပ်ဆုံးမှ ရပ်တည်နေပါတယ်။ သူ့ရဲ့နောက်မှာတော့ ကြည့်ရှုမှု 10.3 နှင့် 9.2 သန်း အသီးသီးရှိသည့် Lisa နှင့် Jennie တို့ကရှိနေပြီး Rosé ရဲ့ Teaser ကတော့ ကြည့်ရှုမှု 6.4 သန်းနဲ့ နောက်ဆုံးဖြစ်ခဲ့ပါတယ်။ ဒါပေမယ့် သူတို့လေးဦးရဲ့ ဒုတိယ Teaser ထွက်လာတဲ့အခါမှာတော့ ကြည့်ရှုမှု အရေအတွက်ဟာ လုံးဝ ပြောင်းလဲသွားခဲ့ပါတယ်။

Lisa က ကြည့်ရှုမှု 7.3 သန်းကျော်နဲ့ ထိပ်ဆုံးကို တက်လာခဲ့ပြီး Rosé က ကြည့်ရှုမှု 6.2 သန်းကျော်ဖြင့် ဒုတိယနေရာတွင် ရပ်တည်ခဲ့ပါတယ်။ Jisoo နှင့် Jennie တို့ကတော့ ဒုတိယ teaser အတွက် ကြည့်ရှုမှု 4.2 နှင့် 3.3 သန်း အသီးသီးရရှိပါတယ်။ TikTok မှာတော့ Lisa နှင့် Jennie တို့ဟာ ပထမဆုံး ဗီဒီယိုအတွက် ကြည့်ရှုမှု 3.2 နှင့် 3.1 သန်းအထိ အသီးသီးပိုင်ဆိုင်ထားကြပြီး Jisoo နဲ့ Rosé တို့ကတော့ သူတို့ရဲ့ ပထမဆုံး Teaser တွေအတွက် ကြည့်ရှုသူ 1.7 နဲ့ 1.6 သန်း အသီးသီးရှိခဲ့ကြပါတယ်။

ဒုတိယဗီဒီယိုအတွက်ကတော့ Lisa နဲ့ Rosé တို့ဟာ ကြည့်ရှုမှု 2.3 သန်းနဲ့ 1.5 သန်းခန့်နဲ့ အမြင့်ဆုံးနေရာနှစ်ခုကို ရရှိခဲ့ပြီး အဲဒီနောက်မှာတော့ Jisoo နဲ့ Jennie တို့ရဲ့ ကြည့်ရှုမှုဟာ 730 နဲ့ 577,000 views လောက် ရရှိခဲ့ပါတယ်။ မိန်းကလေးတွေရဲ့ Instagram ကြည့်ရှုမှုတွေကလည်း ကြီးကြီးမားမား ကွာခြားတာတွေ့ရပြီး ပထမဆုံး Teaser နဲ့ပတ်သက်ပြီး Lisa နဲ့ Jennie တို့ဟာ ကြည့်ရှုမှုပေါင်း 5.3 သန်းနီးပါးနဲ့ ပထမနေရာကို ရရှိခဲ့ပြီး Jisoo နှင့် Rosé တို့ကတော့ ကြည့်ရှုမှု 4.9 နှင့် 3.2 သန်း အသီးသီးရှိခဲ့ကြပါတယ်။

အဖွဲ့ရဲ့တရားဝင် Instagram မှာ တင်ထားတဲ့ ဒုတိယမြောက် Teaser နဲ့ပတ်သက်ပြီး Lisa ဟာ ကြည့်ရှုသူ 3.5 သန်းနဲ့ ထိပ်ဆုံးနေရာကို ဆက်လက်ရပ်တည်နေပြီး အဲ့ဒီနောက် Jisoo နှင့် Jennie တို့က ကြည့်ရှုမှု 2.5 နှင့် 2.4 သန်း အသီးသီးရရှိကြပြီး Rosé က ကြည့်ရှုမှု 2.2 သန်းဖြင့် အသီးသီးရရှိခဲ့ကြပါတယ်။

အဖွဲ့ဝင် 4 ဦးမှ ရရှိသော အမြင်များ ကွာခြားချက်ကို ရှင်းရှင်းလင်းလင်း သိမြင်နိုင်သော်လည်း အဆိုပါ အရေအတွက်များမှာ တိုးများနေဆဲ ဖြစ်သည်။ ကြည့်ရှုမှုအများအပြားသည် အဖွဲ့၏နောက်လာမည့်တေးဂီတကို ယခင်ထက်ပိုမိုမျှော်လင့်နေကြကြောင်း ပရိသတ်များက သက်သေပြနေသည်။

Photos-credit

Source: KBIZoom