အဖွဲ့လိုက်လှုပ်ရှားမှုတွေကို ခေတ္တရပ်ဆိုင်းထားတဲ့ BTS အဖွဲ့ဟာဆိုရင် ယခုနှစ်ဆောင်းဦးရာသီမှာ ပထမဆုံးအကြိမ်အဖြစ် စင်မြင့်ပေါ်မှာ အဖွဲ့တစ်ခုလုံးစုံလင်စွာနဲ့ ပြန်လည်ဆုံစည်းမယ်လို့ မျှော်လင့်ရပါတယ်။
BTS ဟာ “2030 Busan Expo Concert” ကို အောက်တိုဘာလလယ်မှာ ကျင်းပမှာဖြစ်ကြောင်း Kookje Newspaper မှ ဇူလိုင်လ 6 ရက်နေ့တွင် ဖော်ပြခဲ့ပါတယါ။ အစီရင်ခံစာအရ BTS ရဲ့အေဂျင်စီ HYBE က၊ Busan City နဲ့ EXPO Bid Committee တို့ဟာ ဖျော်ဖြေပွဲကျင်းပမယ့်နေရာနဲ့ ရက်စွဲကို ဆွေးနွေးနေကြပါတယ်။
Busan Asiad Main Stadium၊ Samnak Ecological Park နှင့် Bukhang Port အပါအဝင် နေရာ ၃ ခုကို EXPO ပွဲကျင်းပဖို့ရွေးသွားမှာဖြစ်ပါပြီး BTS ရဲ့ ဖျော်ဖြေပွဲအတွက် လက်မှတ်တစ်စောင်ဟာ ပုံမှန်အားဖြင့် ဝမ်သိန်းနှင့်ချီ ကုန်ကျပေမယ့်လည်း အခုအကြိမ်မှာတော့ Busan EXPO ဖျော်ဖြေပွဲကို အခမဲ့ကျင်းပသွားမှာဖြစ်ပါတယ်။
HYBE ဟာ ဘူဆန် EXPO ဖျော်ဖြေပွဲကို လူအများဆန္ဒအရ အခမဲ့ဖျော်ဖြေပွဲအဖြစ် ကျင်းပဖို့ သဘောတူညီခဲ့ကြောင်း သိရပြီး ဒီဖျော်ဖြေပွဲကို ပရိသတ် 100,000 လောက် လာရောက်အားပေးမယ်လို့ ခန့်မှန်းထားပါတယ်။
ဘူဆန်မြို့တော်အစိုးရကတော့ BTS ရဲ့ ဖျော်ဖြေပွဲအတွက် ဘူဆန်သို့လာရောက်လည်ပတ်မယ့် ပရိသတ် 100,000 အတွက် လေယာဉ်နဲ့ မီးရထားကဲ့သို့ သယ်ယူပို့ဆောင်ရေးတွေကို တိုးချဲ့ခြင်းဖြင့် အဆင်ပြေစေဖို့ကိုလည်း လုပ်ဆောင်လျက်ရှိတယ်လို့သိရပါတယ်။
တကယ်တော့ ဘူဆန် ဟာ BTS အဖွဲ့ဝင်နှစ်ယောက်ဖြစ်တဲ့ Jimin နဲ့ Jungkook တို့ရဲ့ မွေးရပ်မြေလည်းဖြစ်ပါတယ်။ ဘူဆန်ကို ချစ်မြတ်နိုးတဲ့ BTS အဖွဲ့ဝင်များဟာ လာမယ့်နှစ်အစောပိုင်းမှာ ကျင်းပမယ့် ဘူဆန် EXPO သံတမန်များအဖြစ် တက်ရောက်သွားဖို့လည်း ရှိနေပါတယ်။
Photos-credit
Source- KBIZoom