မင်္ဂလာသတင်းထွက်ပြီးမှ လမ်းခွဲပျက်စဲလိုက်ပြီဖြစ်ကြောင်းတရားဝင်ကြေညာလိုက်တဲ့ သရုပ်ဆောင်စုံတွဲ

တောင်ကိုရီးယားသရုပ်ဆောင်နှစ်ဦးဖြစ်တဲ့ Park Sung Hoon နဲ့ Ryu Hyun Kyung တို့နှစ်ဦးသားဟာ ၆ နှစ်တာသက်တမ်းရှည်စွာ တွဲခဲ့ပြီးနောက်မှာ လမ်းခွဲလိုက်ကြပြီပဲ ဖြစ်ပါတယ်။ 

ဒီကနေ့ ဩဂုတ်လ ၅ ရက်နေ့မှာ သူတို့နှစ်ဦး လမ်းခွဲသွားပြီဖြစ်တဲ့အကြောင်းကို နှစ်ဖက် အေဂျင်စီတွေကနေအတိအလင်းကြေညာပေးခဲ့တာဖြစ်ပါတယ်။

မင်းသမီး Ryu Hyun Kyung ရဲ့ အေဂျင်စီဖြစ်တဲ့ H& Entertainment  က သူတို့နှစ်ဦးသား လမ်းခွဲလိုက်ပြီဆိုတာမှန်ကန်ကြောင်း လမ်းခွဲလိုက်ပေမယ့် ကောင်းမွန်တဲ့ လုပ်ဖော်ကိုင်ဖက်တွေအဖြစ် ဆက်ရှိနေမှာဖြစ်ကြောင်းထုတ်ဖော်ပြောကြားခဲ့ပါတယ်။ 

မင်းသား Park Sang Hoon ရဲ့ အေဂျင်စီဖြစ်တဲ့ BH Entertainment က လည်း အနုပညာရှင်နှစ်ဦးက လမ်းခွဲလိုက်ကြပြီဖြစ်ကြောင်း လမ်းခွဲလိုက်ကြပေမယ့် လုပ်ဖော်ကိုင်ဖက်ကောင်းတွေ ဖြစ်နေကြသေးကြောင်း နှစ်ဦးသားကိုဆက်လက်ပြီး အားပေးကြပါဦးလို့ ပြောကြားခဲ့ပါတယ်။ 

Park Sung Hoon နဲ့ Ryu Hyun Kyung တို့ နှစ်ဦးတွဲနေပြီဖြစ်တဲ့အကြောင်းကို ၂၀၁၇ ခုနှစ်မှာ ကြေညာခဲ့တာဖြစ်ပါတယ်။ သက်တမ်းရှည်စုံတွဲဖြစ်ပြီး ၆ နှစ်အကြာမှာ လက်ထပ်ကြတော့မယ်ဆိုတဲ့ သတင်းတွေ ထွက်ရှိခဲ့တာဖြစ်လို့ရုတ်တရတ်ကြီး လမ်းခွဲသွားပြီဆိုတဲ့သတင်းက ပရိသတ်တွေကို အံ့အားသင့်သွားစေခဲ့ပါတယ်။ 

Park Sung Hoon နဲ့ Ryu Hyun Kyung နှစ်ဦးက Almost Maine ဇာတ်လမ်းနဲ့ ပရိသတ်တွေရဲ့ အားပေးမှုကို တခဲနက်ရရှိခဲ့ပြီး ဇာတ်လမ်းရိုက်ကူးနေရင်းနဲ့ပဲ ချစ်ကြိုက်ခဲ့ကြတာဖြစ်ပါတယ်။