လေဖြန်းရာမှ ပြန်လည်သက်သာလာပြီး ပထမဆုံးဖျော်ဖြေပွဲ ပြန်လုပ်ခဲ့တဲ့ အဆိုတော် ဂျက်စတင်ဘီဘာ

Baby ဆိုတဲ့ လူငယ်ကြိုက်တေးသီချင်းနဲ့ လူငယ်ပရိသတ်များအကြား ရေပန်းစားကျော်ကြားလာခဲ့ပြီး ခပ်မိုက်မိုက် ဖျော်ဖြေမှုများ နဲ့ ပရိသတ်ရဲ့အားပေးချစ်ခင်မှုတွေကို သိမ်းပိုက်ထားတဲ့ အနုပညာရှင်လို့ ဆိုလာရင်တော့ အဆိုတော် ဂျက်စတင်ဘီဘာ ကို ပဲဖော်ပြရမှာဖြစ်ပါတယ်။

အဆိုတော် ဂျက်စတင်ဘီဘာ ဟာ သိပ်မကြာခင် ကာလတစ်ခုက မျက်နှာတစ်ခြမ်း(ပါးတစ်ခြမ်း) လေဖြန်းတဲ့ဝေဒနာကို ခံစားခဲ့ရပြီး အဆိုပါဖြစ်ရပ်ဆိုးကြီးကြောင့် ပရိသတ်တွေနဲ့ တွေ့ဆုံဖျော်ဖြေမယ့် နိုင်ငံအသီးသီးက ကမ္ဘာလှည့် ဖျော်ဖြေပွဲတွေ အားလုံး ကို ဖျက်သိမ်းခဲ့ရပါတယ်။

Ramsay Hunt Syndrome လို့ခေါ်တဲ့ မျက်နှာတစ်ခြမ်းလေဖြန်းခြင်း ကနေ ပြန်လည်သက်သာလာခဲ့တဲ့ ဂျက်စတင်ဟာ ကမ္ဘာလှည့်ဖျော်ဖြေပွဲတွေကို (၁၄) ရက်ကြာ ရွှေ့ဆိုင်းထားရပြီးတဲ့နောက် ပြီးခဲ့တဲ့ ရက်သတ္တပတ် တနင်္ဂနွေနေ့ ဇူလိုင်လ (၃၁) ရက်နေ့မှာ ရှိုးပွဲ ဖျော်ဖြေပွဲစင်မြင့်ပေါ် ပြန်လည်ရောက်ရှိလာခဲ့တယ်လို့ သိရပါတယ်။ သူ့ရဲ့ဖျော်ဖြေမှုတွေကို ခုလိုပြန်လည်မြင်တွေ့ခွင့်ရတာတကယ်ပဲဝမ်းသာလှတာမို့ ပရိသတ်ကြီးကြည့်ရှုနိုင်စေရန် ဖော်ပြလိုက်ပါတယ်။