ကွယ်လွန်သူ ခင်ပွန်းသည်ရဲ့ ၃ နှစ်ပြည့်နေ့လေးမှာ သတိတရနဲ့ အလှူလေးတစ်ခု ပြုလုပ်ပေးခဲ့တဲ့ ဝါဝါဝင်းရွှေ

တစ်ချိန်တုန်းက အနုပညာလောကမှာ အောင်မြင်မှုသရဖူကို ဆောင်းနိုင်ခဲ့တဲ့ မင်းသမီးကြီး ဝါဝါဝင်းရွှေကတော့ ယနေ့အချိန်ထိ ပရိသတ်တွေရဲ့ ချစ်ခင်အားပေးမှုတွေကို အခိုင်အမာရရှိထားတဲ့ အနုပညာရှင်တစ်ဦးပါ။ သူမဟာ အနုပညာအလုပ်တွေကို အကောင်းဆုံးကြိုးစား လုပ်ကိုင်ပြီး လက်ရှိမှာ ချစ်ရတဲ့ မိသားစုနဲ့ အတူ အေးချမ်းစွာ ဘဝကို ဖြတ်သန်းနေတာ တွေ့ရပါတယ်။

မင်းသမီးကြီး ဝါဝါဝင်းရွှေရဲ့ ခင်ပွန်းသည် ကတော့ လူလောကထဲကနေ အပြီးအပိုင်ထွက်သွားခဲ့တာဟာ ယခုဆိုရင် ၃ နှစ်ပြည့်ခဲ့ပြီဖြစ်ပါတယ်။ သူမဟာ သွားလေသူ ခင်ပွန်းသည်ကို ယနေ့အချိန်ထိ အမြဲသတိရနေပြီး မကြာခဏ ဆိုသလို အလှူအတန်းတွေ ပြုလုပ်ပေးပါတယ်။ ဒီကနေ့မှာလည်း မင်းသမီးကြီး ဝါဝါဝင်းရွှေက ကွယ်လွန်ခြင်း ၃ နှစ်ပြည့်သွားတဲ့ ခင်ပွန်းသည်အတွက် သတိတရနဲ့ ကောင်းမှုကုသိုလ် ပြုလုပ်ပေးခဲ့ပါတယ်။

ဒါကတော့ ခင်ပွန်းသည် ရှိခဲ့စဥ်က အတူတူလှူဒါန်းခဲ့ဖူးတဲ့ ပဉ်နနိကာယျ ကျောင်း တိုက်ကနာယကဆရာတော်ကြီးတွေကိုပင့်ဖိတ်ပြီးဝါဆိုသင်္ကန်း၊ ဝါဆိုဆွမ်း နဲ့ နဝကမ္မ ဆက်ကပ်လှူဒါန်းခဲ့တာ ဖြစ်ပါတယ်။ ဒီအလှူလေးကိုလည်း ဘဝဟောင်းစွန့်ပြီး ဘဝသစ်သို့ကူးပြောင်းသွားတဲ့ ခင်ပွန်းသည် နဲ့တကွ ဘဝသံသရာပေါင်းများစွာ မှတော်စပ်ခဲ့ဘူးကြသော ဆွေတော်ရှစ်သောင်းမျိုးတော်အပေါင်းအား အမျှပေးဝေခဲ့တာ တွေ့ရပါတယ်။ ဒီကုသိုလ်ကောင်းမှုကို ပရိသတ်တွေလည်း ထပ်တူသာဓုခေါ်နိုင်အောင် ပြန်လည်ဖော်ပြပေးလိုက်ပါတယ်။

သတင်း အရင်းအမြစ်៖ Source - Wa Wa Win Shwe