JJ လို့ချစ်စနိုးနဲ့ ခေါ်ကြတဲ့ ထိုင်မင်းသားချောတစ်ယောက်ဖြစ်တဲ့ James Jirayu ကတော့ အဆိုတော်၊ မော်ဒယ် သရုပ်ဆောင် တစ်ယောက်ပဲ ဖြစ်ပါတယ်။ JJ က ချောမောတဲ့ ရုပ်ရည်လေးကို ပိုင်ဆိုင်ထားတဲ့အပြင် ပီပြင်လွန်းတဲ့ သရုပ်ဆောင်မှုတွေကြောင့် မိန်းကလေးပရိသတ်တွေရဲ့ အသည်ကျော်လေး တစ်ယောက် ဖြစ်လို့နေတာပါ။ အချစ်ရေးနဲ့ ပတ်သက်ပြီးတော့လည်း ပရိသတ်ကိုပွင့်ပွင့်လင်းလင်းချပြထားသူလည်း ဖြစ်ပါတယ်။

သူမရဲ့ချစ်သူကတော့ အနုပညာရှင်လောကထဲက မဟုတ်တဲ့  Nong Foam ဆိုတဲ့ ကောင်မလေးနဲ့ နှစ်တွေအချိန်အကြာကြီး တွဲနေတာပါ။ ကောင်မလေးကို ပရိသတ်ရှေ့ကို သိပ်ပြီးချပြလေ့မရှိပေမယ့် သူ့ကောင်မလေးကြောင့် အချစ်ရေးမှာ အရမ်းကို ကံကောင်းတဲ့သူဖြစ်ကြောင်းကိုတော့ ပြောပြလေ့ရှိပါတယ်။

“Foam က ကျွန်တော့်အတွက် အရမ်းကိုချစ်ဖို့ကောင်းပြီး နားလည်မှုအပြည့်ရှိတဲ့ ကောင်မလေးပါ။ နှစ်ယောက်သား‌ အေးအေးဆေးဆေးဘဝကို ဖြတ်သန်းနေရရုံနဲ့တင် သူမက ကျေနပ်နေပြီ။ ကျွန်တော် လက်ဆောင်တွေပေးရင်လည်း တန်ဖိုးကြီးတွေမပေးရင်တောင် ကျွန်တော်က အနားမှာရှိပြီး ဂရုစိုက်ရင်တောင် ကျေနပ်နေတာမျိုးဗျ။ နှစ်ယောက်တွဲပုံတွေကို သိပ်ပြီးတင်လေ့မရှိဘူးဆိုတာကလည်း မလိုလားအပ်တဲ့ အပြောအဆိုတွေကို ကောင်မလေးကို အပြောမခံချင်လို့ပါ။ ဒီကိစ္စနဲ့ပတ်သက်ပြီး Foam က ကျွန်တော့်ကို ဘာမှမပြောဘူး နားလည်ပေးထားတယ်။” လို့ ပြောကြားခဲ့ပါတယ်။

သတင်း အရင်းအမြစ်៖ daradaily.com