ပရဟိတ မင်းသမီးကြီး ခိုင်နှင်းဝေကတော့ အကြောင်း အမျိုးမျိုးကြောင့် စွန့်ပစ်ခံရတဲ့ ကလေးငယ်တွေကိုတရားဝင် ခေါ်ယူ မွေးစား ပြုစုစောင့်ရှောက် ပေးနေတာကို ပရိသတ်တွေသိရှိပြီးသားဖြစ်မှာပါ။ ကလေးတွေကို သူ့ရဲ့ သားသမီးအရင်းတွေပမာ ဝေယျာဝစ္စတွေကအစ သူကိုယ်တိုင် လုပ်ကိုင်ပြီး မေတ္တာအပြည့်နဲ့ စောင့်ရှောက်နေခဲ့တာပဲဖြစ်ပါတယ်။ 

ဒါ့အပြင် လိုအပ်တဲ့နေရာတွေကိုလည်း တတ်နိုင်သလောက် လှူဒါန်းပေးနေတာဖြစ်ပြီး ပြည်သူတွေရဲ့ ကွက်လပ်လေးတွေကို ဖြည့်ဆည်းပေးနေတဲ့ စိတ်ထားပြည့်ဝလွန်းသူလေးလည်း ဖြစ်ပါတယ်။ ခိုင်နှင်းဝေက ကလေးတွေနဲ့ပတ်သက်ပြီး သူ့ရဲ့လူမှုကွန်ရက်စာမျက်နှာကနေ အမြဲလိုလို မျှဝေဖော်ပြလေ့ရှိသူပါ။ 

ဒီတစ်ခေါက်မှာတော့ ခိုင်နှင်းဝေက သမီးလေးခိုင်ဟေသာမေရဲ့ ပုံလေးတွေကို မျှဝေဖော်ပြလာခဲ့ပါတယ်။ မေမေခိုင်နှင်းဝေတစ်ယောက် မျက်နှာပြောင်လွန်းနေတဲ့ သမီးလေးကို ချစ်မဝဖြစ်နေတာပဲ ဖြစ်ပါတယ်။ ခိုင်နှင်းဝေက"ခိုင် ဟေသာမေ" လေး မျက်နှာက ပြောင်တတ်နေပီ..?.....ဆရာဝန်က အဝ, လွန်နေတယ် ဆိုလို့ နို့ရော မုန့်ပါလျော့ကျွေးနေရသေးတယ်..?… " ဆိုပြီး သူမရဲ့ လူမှုကွန်ယက်ထက်မှာ ရေးသားထားတာပဲ ဖြစ်ပါတယ်။

Photo Credit & Source: Khine Hnin Wai’s FB Acc