အနုပညာနယ်ပယ်မှာ ဆယ်စုနီးပါး လျှောက်လှမ်းခဲ့ပြီး အောင်မြင်မှုတွေနဲ့ ရပ်တည်ထားနိုင်ခဲ့သူကတော့ မင်းသမီး မျိုးစန္ဒီကျော်ပဲ ဖြစ်ပါတယ်။ မျိုးစန္ဒီကျော် ဟာ ဘယ်လိုဇာတ်ကောင်မျိုးကိုမဆို သဘာဝကျကျ ပီပြင်အောင် သရုပ်ဆောင်ထားနိုင်သူပါ။ သူမထွက်ရှိခဲ့တဲ့ ဗီဒီယိုဇာတ်ကားတွေကလည်း လူကြီးလူငယ်မရွေး သဘောကျကြိုက်နှစ်သက်ခဲ့ကြပါတယ်။

ယနေ့အချိန်ထိလည်း မင်းသမီး မျိုးစန္ဒီကျော်ဟာ ပရိသတ်တွေရဲ့ ချစ်ခြင်းမေတ္တာတွေကို သိမ်းပိုက်ထားဆဲ ဖြစ်ပါတယ်။ လက်ရှိမှာတော့ အနုပညာအလုပ်တွေအနေနဲ့ ရုပ်သံဇာတ်လမ်းတွဲတွေလည်း ရိုက်ကူးနေသလို live Sales တွေမှာလည်း အမြဲတွေ့ရပါတယ်။ ယခုမှာတော့ မျိုးစန္ဒီကျော်က ပရိသတ်တွေချစ်အားပိုစမယ့် အမှတ်တရ အချို့ကို ဖော်ပြလာတာတွေ့ရပါတယ်။

ဒါကတော့ သူမ အသက် ၁၇ နှစ်အရွယ်မှာ ကြော်ငြာတွေစရိုက်တုန်းက အမှတ်တရ ရိုက်ထားတဲ့ ချစ်စရာ ပုံရိပ်တချို့ပဲ ဖြစ်ပါတယ်။ ဒီပုံလေးတွေနဲ့ လည်း " ၁၇ နှစ်သမီး ဆယ်တန်းအောင်ပြီးစ ကြော်ငြာတွေစရိုက်တဲ့အချိန် ....အဲ့ခေတ်က မျက်ခုံးမွှေးတစ်ကြောင်းဆွဲနဲ့နှုတ်ခမ်းနီ ဘောင်ကွတ်မှ လှတယ်လို့ထင်တဲ့ခေတ် အခုထိ အကျင့်ပါနေတော့နှုတ်ခမ်းနီကို ဘောင်ကွတ်ပြီးပဲ ဆိုးတတ်တော့တယ်" ဆိုပြီး ရေးသားထားပါတယ်။ အဆိုပါ ပုံလေးတွေထဲမှာတော့ မျိုးစန္ဒီကျော်ဟာ ချစ်စရာကောင်းပြီး အလှတရားတွေကတော့ ယနေ့ခေတ် မင်းသမီးတွေတောင် လက်ဖျားခါရလောက်ပါတယ်။ မျိုးစန္ဒီကျော်ရဲ့ ငယ်ဘဝက ချစ်စရာ ပုံလေးတွေကို မမြင်ဖူးသေးတဲ့ ပရိသတ်တွေအတွက် ပြန်လည်ဖော်ပြပေးလိုက်ပါတယ်။

သတင်း အရင်းအမြစ်៖ Source - Myo Sandy Kyaw