ခုပြောပြသွားမယ့် အာဟာရရှိတဲ့ အစားအစာတွေက သင့်ခန္ဓာကိုယ်မှာခံစားနေရတဲ့ တုပ်ကွေးရောဂါကို တိုက်ဖျက်ဖို့အတွက် ကောင်းကောင်း အကူညီပေးပါလိမ့်မယ်။ ဖျားနေတဲ့အခါပဲဖြစ်ဖြစ်၊ အအေးမိလို့ပဲဖြစ်ဖြစ် ပိုးမွှားတွေကို တိုက်ဖျက်နိုင်အောင် ခန္ဓာကိုယ်မှာလုံလောက်တဲ့ ကြံ့ခိုင်မှုမျိုးရှိစေဖို့အတွက် ကျန်းမာရေးနဲ့ ညီညွတ်တဲ့ အစားအစာတွေက လိုအပ်ပါတယ်။
သားငါးအသီးအရွက်ပြုတ် ဟင်းချို
သားငါးအသီးအရွက်ပြုတ် ဟင်းချိုမှာ အာဟာရဓာတ်နဲ့ ဓာတ်တိုးဆန့်ကျင်ပစ္စည်းများ ကြွယ်ဝစွာပါဝင်ပြီးတော့ ရေဓာတ်ခန်းခြောက် ခြင်းကိုလည်း ကာကွယ်ပေးပါတယ်။ ဟင်းချိုနွေးနွေးလေးက လည်ချောင်းနာတာအပြင် နှာစေးတာကိုလည်း သက်သာစေပါတယ်။
ကြက်စွပ်ပြုတ်
ပရိုတင်းဓာတ်နဲ့ သံဓာတ်ကြွယ်ဝတဲ့ ကြက်သားကို ကျန်းမာရေးနဲ့ ညီညွတ်တဲ့ အသီးအရွက်တွေ ပေါင်းထည့်ထားတဲ့ စွပ်ပြုတ်တစ်ခွက်က ခန္ဓာကိုယ်ကို လုံလုံလောက်လောက် အားဖြည့်ပေးနိုင်ပါတယ်။ ဒါ့အပြင်ကြက်စွပ်ပြုတ်က ရောင်ရမ်းမှုကို လျော့ကျစေပြီးတော့ ခုခံအားစနစ်ရဲ့ တုံ့ပြန်မှုကိုလည်း တိုးတက်စေပါတယ်။
ကြက်သွန်ဖြူ
ကြက်သွန်ဖြူကို အစိမ်းလိုက်စားခြင်းက ကိုယ်ခံစွမ်းအားကို မြှင့်တင်ပေးနိုင်ပါတယ်။ ကြက်သွန်ဖြူ ဒါမှမဟုတ် ကြက်သွန်ဖြူ ဖြည့်စွက်စာတွေထက် ကြက်သွန်ဖြူအစိမ်းက ခန္ဓာကိုယ်ကို အကျိုးကျေးဇူးအများဆုံး ပေးစွမ်းမှာဖြစ်ပါတယ်။
အစိမ်းရောင်ရှိတဲ့အရွက်
ဟင်းနုနွယ်ရွက်၊ ကိုက်လန်နဲ့ ဂေါ်ဖီထုပ်တို့လို အစိမ်းရောင်အရွက်တွေက သံဓာတ်နဲ့ ဗီတာမင်စီတို့ ပါ၀င်ပြီးတော့ ရောင်ရမ်းမှုကို တိုက်ဖျက်ပေးနိုင်ပါတယ်။ ခန္ဓာကိုယ်ရဲ့ ကိုယ်ခံအားကို ပိုမြှင့်တင်နိုင်အောင်လို့ ကြက်စွပ်ပြုတ်ထဲကို အရွက်စိမ်းစိမ်းထည့်ပြီးတော့ သုံးဆောင်နိုင်ပါသေးတယ်။
ခုဖော်ပြသွားတဲ့ အစားအသောက်တွေကို စားသောက်ခြင်းက ကိုယ်ခံအားကို မြင့်စေမှာဖြစ်ပြီး တုပ်ကွေးရောဂါကို တိုက်ဖျက်ဖို့အတွက်လည်း အကူအညီဖြစ်စေပါတယ်။
source - goodrx
Bong I.T