ဝိုင်းစုခိုင်သိန်းဟာဆိုရင် အဆိုပိုင်းရော သရုပ်ဆောင်ပိုင်းမှာပါ ထူးချွန်ပြောင်မြောက်လှတဲ့ အရည်အချင်းတွေရှိတဲ့ အနုပညာရှင်တစ်ယောက်ဖြစ်ပါတယ်။ မျက်နှာ လုံးလုံးသေးသေးလေးနဲ့ ချစ်ဖို့အရမ်းကောင်းတဲ့ ဝိုင်းစုဟာ အဆိုတော် အောင်လနဲ့ လက်ထပ်ခဲ့ပြီး သာယာလှပတဲ့ အိမ်ထောင်ရေးလေးကို ရရှိပိုင်ဆိုင်ထားပြီပဲဖြစ်ပါတယ်။ ဝိုင်းစုဟာ လက်ရှိမှာ အနုပညာ လှုပ်ရှားမှုတွေ ရပ်နားထားပြီး အွန်လိုင်းပေါ်မှာ live လွှင့် ဈေးရောင်းနေတာ ဖြစ်ပါတယ်။ ဝိုင်းစုက သူမရဲ့ နေ့စဉ်ဘဝ လှုပ်ရှားမှု ပုံရိပ်လေးတွေကို ပရိသတ်တွေဆီကို အမြဲတမ်း ချပြပေးလေ့ရှိတဲ့ သူဖြစ်ပါတယ်။ ဒီကနေ့မှာလည်း ဝိုင်းစုက အလှူကြီး အတန်းကြီး ပေးနေတဲ့ ပုံရိပ်လေးတွေကို သူမရဲ့ လူမှုကွန်ရက် စာမျက်နှာပေါ်မှာ ဝေမျှပေးလာခဲ့ပါတယ်။

ဝိုင်းစုက သူမရဲ့ အလှူဟာလည်း ၇ ရက်သားသမီးများရဲ့ အလှူဖြစ်ကြောင်း ဒါကြောင့် ၇ ရက်သားသမီးများအားလုံး သာဓု ခေါ်နိုင်စေဖို့အတွက် သူမရဲ့ လူမှု ကွန်ရက်စာမျက်နှာပေါ်မှာ ပုံလေးတွေ တင်ပေးရတာဖြစ်ကြောင်း ပြောရင်း အလှူဒါနပေးနေတဲ့ ပုံရိပ်လေးတွေ ဝေမျှပေးခဲ့တာဖြစ်ပါတယ်။

ဓာတ်ပုံလေးတွေထဲမှာ ကျက်သရေအဖြာဖြာနဲ့ ပြည့်စုံလှတဲ့ ဝိုင်းစုရဲ့ ပုံရိပ်လေးတွေကို ကြည်နူးစရာလေး တွေ့ရပါတယ်နော်။ အလှူကြီး အတန်းကြီးပေးနေတဲ့ ဝိုင်းစုရဲ့ ပုံရိပ်လေးတွေကို ကြည့်ရင်း သာဓုထောပနာခေါ်ဆိုနိုင်ဖို့ အတွက် အခုအကြောင်းအရာလေးကို တင်ဆက်ပေးလိုက်ပါတယ်။