သရုပ်ဆောင်မကောင်းလို့ဆိုပြီး "Alchemy of Souls" မှ ထုတ်ပယ်ခံခဲ့ရတဲ့ မင်းသမီးချောလေး...

အခုဆိုရင် နာမည်ကြီး ဒရာမာ “Alchemy of Souls” ကထုတ်ခံခဲ့ရတဲ့ လူသစ်သရုပ်ဆောင်မင်းသမီး Park Hye-eun က ပရိတ်သတ်တွေကို သတင်းကောင်းပါးလိုက်ပါပြီ။

ဇူလိုင်လ 13 ရက်နေ့တွင် Park Hye-eun ရဲ့အေဂျင်စီ Kang Entertainment မှသူမဟာ tvN ရဲ့ အပတ်စဥ် ဗုဒ္ဓဟူးနေ့နဲ့ ကြာသပတေးနေ့ တွေမှာထုတ်လွှင့်မယ့်ဒရာမာအသစ် “Adamas” တွင်ပါဝင်မယ်လို့ ကြေငြာခဲ့ပါတယ်။

“Adamas” ဟာ လွန်ခဲ့တဲ့ ၂၂ နှစ်က ဖြစ်ပွားခဲ့တဲ့ လူသတ်မှုရဲ့နောက်ကွယ်မှ ပထွေးဖြစ်သူကို သတ်ခဲ့တယ်လို့ စွပ်စွဲခံထားရတဲ့ သူတို့ရဲ့ဖခင်အရင်းအား စွဲချက်တင်ပြီး အမှန်တရားကို ဖော်ထုတ်ဖို့အတွက် အမြွှာညီအစ်ကိုများရဲ့ ဇာတ်လမ်းကို ပြောပြထားတာပဲဖြစ်ပါတယ်။ ဒီဇာတ်ကားကို ဇူလိုင်လ ၂၇ ရက်နေ့ ည ၁၀း၃၀ နာရီမှာ စတင်ပြသွားမှာ ဖြစ်ပါတယ်။

ဇာတ်ကားထဲမှာ Park Hye-eun ဟာ Haesong Group ရဲ့လျှို့ဝှက်အဖွဲ့အစည်း နောက်ဆုံးလက်နက်ဖြစ်ပြီး Ji Sung ၊ Seo Ji-hye ၊ Lee Soo-kyung ၊ Heo Sung-tae နဲ့ Oh Dae-hwan တို့က ဒီဇာတ်ကားမှာ ပါဝင်သရုပ်ဆောင်မှာဖြစ်ပါတယ်။

Park Hye-eun ဟာ tvN ရဲ့ Saturday-Sunday ဒရာမာ “Alchemy of Souls” မှာ ဇာတ်ဆောင်နေရာကနေ နုတ်ထွက်ပြီးကတည်းက ပိုပြီးအဓိပ္ပါယ်ရှိတဲ့ comeback ဖြစ်လာမယ်လို့ မျှော်လင့်ရပါတယ်။ အဲ့ဒီတုန်းက သူ့ကို သရုပ်ဆောင်တာညံ့လို့ဆိုပြီး ထုတ်ပယ်ခဲ့တာလဲဖြစ်ပါတယ်။

တစ်ချိန်တည်းမှာပဲ၊ Park Hye-eun ဟာ Netflix စီးရီး “School Nurse Files” မှာသူ့ရဲ့ထူးခြားသောအသွင်အပြင် နဲ့ဆွဲဆောင်မှုရှိတဲ့ဇာတ်ကောင်အတွက် ပွဲဦးထွက်ကတည်းက ပရိသတ်အကြိုက်တွေ့ခဲ့ပါတယ်။ မကြာသေးမီက သူမဟာ Kakao TV ရဲ့ ဒရာမာ "Borrowed Body" နှင့် wavve ရဲ့ ရုပ်ရှင် "Gentleman" တို့မှာ ပါဝင်မယ်ဆိုပြီး သတင်းတွေထွက်ပေါ်ခဲ့ပါသေးတယ်။

Photos-credit

Source: KBIZoom