ဂူဂူးနဲ့ လမ်းခွဲပြီးတဲ့နောက်မှာ ရည်းစားထပ်မထားဖြစ်တော့တဲ့ ဂျွန်ဆော မင်းသားကြီး Song Seung-heon

ဆောင်းဦးရွက်ကြွေ ချစ်သက်သေ ဇာတ်လမ်းထဲမှာ ဂျွန်စောအဖြစ် လူသိများတဲ့ မင်းသားကြီး Song Seung-heon ဟာဆိုရင် တောင်ကိုရီးယားမှာ ထိပ်တန်း နာမည်ကြီး မင်းသားတစ်ယောက် အဖြစ် ရပ်တည်နေတဲ့ သူဖြစ်ပါတယ်။ ညို့ယူဖမ်းစားနိုင်တဲ့ မျက်လုံး နဲ့ ဆွဲဆောင်မှု ရှိတဲ့ ပုံစံကြောင့် Song Seung-heon  တစ်ယောက် အနုပညာလမ်းကြောင်းထက်ဆီကို စတင်ရောက်ရှိလာခဲ့စဉ်ကတည်းက ပရိသတ်တွေရဲ့ အားပေးခြင်းကို ခံခဲ့ရတာဖြစ်ပါတယ်။

Song Seung-heon က လက်ရှိမှာ အသက် ၄၅ နှစ်အရွယ်ရှိနေပြီဖြစ်ပေမယ့် မိန်းမမယူတဲ့အပြင် တွဲနေတဲ့ ကောင်မလေးတောင် မရှိသေးပါဘူး။ Song Seung-heon နဲ့ တွဲခဲ့ဖူးတဲ့ ကောင်မလေးတွေထဲမှာ Liu Yifei ကိုပဲ စွဲစွဲလန်းလန်း ၃ နှစ်ကြာအောင် တွဲခဲ့ဖူးတာ ဖြစ်ပါတယ်။

သူတို့နှစ်ဦးက နှစ်နဲ့ချီတွဲပြီး အရမ်းကို လိုက်ဖက်တဲ့ စုံတွဲဖြစ်ခဲ့ပေမယ့်လည်း မအားလပ်တဲ့ အလုပ်တွေကြောင့် လမ်းခွဲခဲ့ကြရပါတယ်။ မင်းသားကြီး Song Seung-heon တစ်ယောက် တရုတ်မင်းသမီးလေး Liu Yifei နဲ့ ၂၀၁၈ ခုနှစ်မှာ တရားဝင်  လမ်းခွဲခဲ့တာဖြစ်ပါတယ်။ 

Liu Yifei နဲ့ လမ်းခွဲခဲ့ရပေမယ့်လည်း Song Seung-heon က ကောင်မလေး အသစ် ထပ်ရှာတာမျိုး မရှိဘဲ တစ်ကိုယ်တည်း လူပျိုကြီး အဖြစ်နဲ့ ဘဝကို ဖြတ်သန်း လျက်ရှိပါတယ်။ ပရိသတ်တွေကတော့ ဂျွန်ဆောမင်းသားကြီး Song Seung-heon တစ်ယောက် တွဲခဲ့ဖူးတဲ့ ကောင်မလေးတွေထဲမှာ  Liu Yifei ကို အချစ်ဆုံးလို့ ဆိုကြပါတယ်။

တရုတ်မလေးကို စွဲစွဲလမ်းလမ်း ချစ်ခဲ့ဖူးတဲ့ မင်းသားကြီး Song Seung-heon တစ်ယောက် ဘယ်တော့များမှ အိမ်ထောင်ကျနိုင်မလဲလို့ တွေးရင်း အခု အကြောင်းအရာလေးကို ဖော်ပြပေးလိုက်ပါတယ်။