မြန်မာဆန်ဆန်လေးနဲ့ ကျက်သရေရှိလှတဲ့ Pre-wedding ဓာတ်ပုံလေးတွေ ချပြလိုက်တဲ့အဆိုတော်မိစန္ဒီ

အဆိုတော်မိစန္ဒီဟာဆိုရင် ဆုတောင်း ၊ စျေးဗန်း ၊ ရေခဲရိုက်အပြုံး ၊ မိုနိုပိုလီ  စတဲ့ သီချင်းကောင်းတွေနဲ့ အနုပညာလောကထဲမှာ နေရာတစ်နေရာ ရရှိထားတဲ့သူဖြစ်ပါတယ်။ အသံဆူးဆူးလေးနဲ့ ပါးဖောင်းဖောင်း မျက်နှာလေးကြောင့် မိစန္ဒီကို ချစ်ခင်အားပေးကြတဲ့ ပရိသတ်တွေလည်း အများကြီးပဲ ဖြစ်ပါတယ်။ ပရိသတ်အချစ်တော်လေးအဆိုတော် မိစန္ဒီက မကြာသေးမီကမှ ပရိသတ်တွေနဲ့ သူမရဲ့ သတို့သားလောင်းလေးကို တရားဝင်မိတ်ဆက်ပေးထားတာဖြစ်ပါတယ်။ 

ဒီတစ်ခေါက်မှာလည်း မိစန္ဒီက သတို့သားလောင်းလေးနဲ့အတူ ရိုက်ကူးထားတဲ့ ချစ်စရာ pre-wedding ဓာတ်ပုံလေးတွေကို ပရိသတ်တွေရှေ့ကို အခုလိုလေး ချပြပေးလာခဲ့ပါတယ်။ 

“ဘာလို့လဲ လို့ လူတွေ မေးကြတယ်.. 

အဖြေကတော့ ရိုးရိုးရှင်းရှင်းလေးပါပဲ “အရမ်းချစ်မိသွားလို့” ❤️

ပြီးတော့ မခွဲနိုင်တော့လို့..

နောက်တစ်ခုက လောကဓံတွေ၊ အပူအပင်များစွာနဲ့ ဒီလူ့ဘဝကြီးမှာ သူ့အချစ်တွေကြောင့် စိတ်လုံခြုံအေးချမ်းရလို့ပါ.. 

အဲ့ဒါပါပဲ ဟီး??

မိစန္ဒီ ရဲ့သတို့သားနဲ့ ရိုးရိုးရှင်းရှင်း မြန်မာ ဝတ်စုံလေးနဲ့ အမှတ်တရ ရိုက်ဖြစ်တဲ့ pre-wedding ဓါတ်ပုံလေးတွေကိုပရိတ်သတ်ကြီးကို ဝေမျှခွင့်ပြုပါရှင် ☺️??

❤️အမှတ်တရလေးတွေကို လှပစေဖို့ အစစအရာရာ ချစ်ခြင်းမေတ္တာတွေနဲ့ ကူညီပေးကြသူများကို အရမ်းကျေးဇူးတင်ပါတယ် ?”

မြန်မာဝတ်စုံလေးတွေနဲ့ ကျက်သရေ ရှိရှိလှပနေတဲ့ အဆိုတော် မိစန္ဒီတို့ရဲ့ ပုံရိပ်လေးတွေက ချက်ချင်းဆိုသလိုပဲပရိသတ်တွေကြားမှာ စိတ်ဝင်စားမှု မြင့်တက်ခဲ့ပါတယ်။ 

မျက်စိပသာဒရှိလှတဲ့ မိစန္ဒီတို့ ဇနီးမောင်နှံရဲ့ မင်္ဂလာပုံရိပ်လှလှလေးတွေကို အားလုံးအတွက် ဝေမျှပေးလိုက်ပါတယ်နော်။