BLACKPINK အဖွဲ့ဝင် Ji-soo ရဲ့ ပွဲဦးထွက် ဒရာမာဇာတ်လမ်းတွဲဖြစ်တဲ့ “Snowdrop” ဟာ ဘရာဇီးရဲ့ 2022 SEC Awards ရှိ ဆုတွေကို ရရှိခဲ့ပါတယ်။ The Séries em Cen (SEC) Awards ဆိုတာက နှစ်စဉ်နှစ်တိုင်း အကောင်းဆုံး တီဗီစီးရီးတွေ၊ ရုပ်ရှင်တွေ၊ သီချင်းတွေနှင့် နာမည်ကြီးတွေကို ဆုပေးအပ်တဲ့ နိုင်ငံခြားဆုပေးပွဲ အခမ်းအနားတစ်ခုဖြစ်ပါတယ်။

ဘရာဇီးနိုင်ငံ၊ São Paulo ရှိ 2022 Séries em Cen (SEC) ဆုပေးပွဲရဲ့ ၂ လကြာ လူထုမဲပေးမှု ရလဒ်  အဆုံးအဖြတ်အရ Ji-soo ဟာ “ Best Feature in Asian Series” ဆုအမျိုးအစားကို ရရှိခဲ့တဲ့အပြင် JTBC ရဲ့ ဒရာမာ “Snowdrop” ဟာလည်း ‘Best Asian Series’ ကို ရရှိခဲ့ပါတယ်။

Snowdrop ဇာတ်လမ်းတွဲကို Yoon Hyun-mi က ဇာတ်ညွှန်းရေးသားပြီး Jo Hyuk-tak က ဒါရိုက်တာအဖြစ်တာဝန်ယူရိုက်ကူးထားတာပဲဖြစ်ပါတယ်။ ဇာတ်လမ်းထဲမှာ Ji-soo ဟာ Hosu Women's University ရဲ့ အင်္ဂလိပ်ဌာနမှ ဖြူစင်ပြီး ပျော်ပျော်ရွှင်ရွှင်နေတတ်တဲ့ ပထမနှစ်ကျောင်းသူ အွန်ယောင်ရို အဖြစ်ပါဝင်သရုပ်ဆောင်ထားတာဖြစ်ပါတယ်။

The Séries em Cen (SEC) Awards တွေထဲမှာ ရုပ်ပိုင်းဆိုင်ရာဆုများလည်း ပါဝင်ပြီး ဆုပေးတဲ့စနစ်ကိုတော့ လူကြိုက်အများဆုံးမဲပေးစနစ်နဲ့ ဆုံးဖြတ်တာပဲဖြစ်ပါတယ်။ Jisoo ကတော့ ပထမဆုံးခေါင်းဆောင်မင်းသမီးဖြစ်ခဲ့တဲ့ ဇာတ်ကားမှာတင် အောင်မြင်မှုတွေ အကြီးအကျယ်ရရှိနေတာပါ။

source - kbizoom