ဂီတလောကမှ အချစ်ဆုံးသူငယ်ချင်းတွေဖြစ်ကြတဲ့ အဆိုတော် နီနီခင်ဇော် နဲ့ မိစန္ဒီ တို့က သူငယ်ချင်းနှစ်ယောက်က သီချင်းအယ်လ်ဘမ်တွေကို သီဆိုထုတ်နိုင်သည်အထိ အနုပညာလမ်းပေါ်မှာ အောင်မြင်မှု ကိုယ်စီရရှိနေပြီပဲ ဖြစ်ပါတယ်။ ကိုယ်ပိုင်သံစဉ်တွေကို အသံပါဝါကောင်းကောင်းနဲ့ သီဆိုဖျော်ဖြေတတ်တဲ့ အဆိုတော်ချောလေး နှစ်ယောက်ကို ပရိသတ်တွေကလည်း ချစ်ခင်အားပေးကြပါတယ်။
ပရိသတ်တွေကို အချစ်ရေးနဲ့ ပတ်သက်ပြီး သိပ်ဖော်ပြလေ့မရှိတဲ့ မိစန္ဒီက မကြာသေးမီအချိန်ကပဲ ချစ်သူလေးက လာရောက်တောင်းရမ်းခဲ့တဲ့ ပုံလေးတွေကို ထုတ်ပြခဲ့တာကြောင့် ပရိသတ်တွေကလည်း အံ့ဩနေကြတာလည်းဖြစ်ပါတယ်။ အချစ်ဆုံးသူငယ်ချင်းလေးဖြစ်တဲ့ နီနီခင်ဇော်ကလည်း သွားတူလာတူ အမြဲအတူတူရှိနေရင်းကနေ စွံသွားတာကြောင့် တောင်းရမ်းပွဲလေးမှာတောင် မျက်ရည်ကျခဲ့ရတယ်လို့ ရင်ဖွင့်လာခဲ့ပါတယ်။
နီနီခင်ဇော်က " အဲ့ဒီနေ့ကသူပျော်နေခဲ့တာ
သူငယ်ချင်းရဲ့ပကာသနကင်းတဲ့တောင်းရမ်းပွဲလေးပေါ့
သေချာပီလားမေးဆိုတာ နောက်ဆုံးအချိန်ထိမေးနေခဲ့ပါသေးတယ်
သူ တကယ် ချစ်တဲ့သူကို သေချာစွာရွေးချယ်ခဲ့ပါပီ
(ယောက်ကျားမယူဘူးလို့ကြုံးဝါးခဲ့ကျတဲ့ ကျမနားကသူတွေဟာ တဖွဲဖွဲယူကုန်ကျပါတယ် ?)
တကယ်ကို ချစ်မြတ်နိူးတဲ့ နားလည်တဲ့သူကို ပိုင်ဆိုင်ရတော့ သူငယ်ချင်းအတွက် ဝမ်းသာမျက်ရည်ကျမိပါတယ်( ဝမ်းနည်းတာက ထူးဆန်းစွာ သူတကယ် တည်ငြိမ်သွားလို့ပါပဲ)
ကောင်လေးက တောင်းရမ်းတဲ့ အချိန်မှာ သတို့သမီးလောင်းလေးမငိုပဲ ကိုယ်ပဲ Video ရိုက်ထားရင်း
ကြိတ်ငိုနေတာကို KMA Photography က အမိအရ Snap ထားတာ ?
အရင်က တူတူသွား တူတူစား အလုပ်တူတူကြိုးစား ဒုက္ခရောက်တော့လဲတူတူဖေးမခဲ့ကြတဲ့
သူငယ်ချင်းလေး စိတ်ထားအရမ်းဖြူစင်တဲ့ ကောင်မလေးကို တသက်လုံး ကြင်ကြင်နာနာချစ်ပေးမယ်လို့ ယုံကြည်တယ်❤️
Love you my bff ?♂️" ဆိုပြီး ရင်ဖွင့်လာခဲ့တာပဲဖြစ်ပါတယ်။
သတင်း အရင်းအမြစ်៖ Ni Ni Khin Zaw's FB Acc