သွားလေသူ ကိုရေမွန် အတွက် စုပေါင်းကာ ငွေကျပ်သိန်း(၂၀) လှူဒါန်းခဲ့ကြတဲ့ အဆိုတော် မေ နဲ့ သူငယ်ချင်းများ

လူငယ်အများစု ရဲ့ ခံစားချက်တွေ နဲ့ထပ်တူကျတဲ့ တေးသီချင်းများစွာကို သီဆို ဖန်တီးလေ့ရှိပြီး ကိုတွတ်ပီ လို့ လူသိများတဲ့ Idiots Band က တေးသံရှင် ရေမွန် ဟာ ဒီကနေ့ ဇွန်လ(၂၃)ရက်နေ့မှာ ကွယ်လွန်ခြင်း အထိမ်းအမှတ်အနေနဲ့ တစ်နှစ်ပြည့်သွားခဲ့ပြီဖြစ်ပါတယ်။

တွတ်ပီ လို့ အများက ချစ်စနိုးနဲ့ခေါ်ကြတဲ့ ကိုရေမွန် ကွယ်လွန်သွားတဲ့အတွက် ကိုရေမွန် ရဲ့ မိသားစုတွေ ၊ မိတ်ဆွေတွေ နဲ့ ပရိသတ်တွေက ကိုရေမွန်အတွက် ရည်စူးကာ လွမ်းဆွတ်ခြင်းအထိမ်းအမှတ်အဖြစ် အလှူဒါနတွေပြုလုပ်နေကြပါတယ်။ အဲ့ထဲမှာ ကိုတွတ်ပီ ရဲ့ အချစ်ဆုံး ဘော်ဒါလို့ ဆိုလို့ရတဲ့ အဆိုတော် မေ လည်း အပါအဝင်ပါပဲ။

အဆိုတော် မေ နဲ့ အတူ သူငယ်ချင်းတစ်စုကလည်း နွမ်းပါးချို့တဲ့ တဲ့နေရာက ကလေးသူငယ်တွေအတွက် ငွေကျပ်သိန်း(၂၀)သွားရောက်လှူဒါန်းခဲ့ပြီး မေ က " လောကဓံတွေကြား ပျော်ရင်း ဝမ်းနည်းရင်း ဖြတ်သန်းရင်းပါပဲ တွတ်ပီရေ…." လို့ သူမရဲ့ Facebook မှာရေးသားလာခဲ့ပါတယ်။ ကိုရေမွန်တစ်ယောက် အလှူဒါနများအားလုံးကို သာဓုအနုမောဒနာခေါ်ယူနိုင်ပြီး ထူးချွန်တဲ့ အနုပညာရှင်တွေကိုတန်ဖိုးထားတဲ့တိုင်းပြည်မှာပဲ မွေးဖွားနိုင်ပါစေလို့ဆုတောင်းပေးလိုက်ရပါတယ်။