ရှိုးပွဲမှာ ကိုယ်ပွားသုံးပြီး ပရိတ်သတ်တွေကိုလှည့်စားခဲ့တဲ့ Billie Eilish..

Bad Guy သီချင်းဆိုထားတဲ့ အဆိုတော် Billie Eilish ဟာအပြင်မှာရော တကယ့် Bad Guyလေးဆိုတာ သိပြီးကြပြီလား။ အော်စကာဆုနဲ့ ဂရမ်မီဆုတို့ကို ရထားတဲ့ အဆိုတော် Billie Eilish ဟာ Apple Music 1 ရှိ Matt Wilkinson နှင့် အင်တာဗျူးမှာ “Coachella 2022” ပွဲမှာ သူ့ရဲ့ အကသမားတစ်ဦးကို သူ့ကိုယ်ပွားအဖြစ် အသုံးပြုခဲ့ကြောင်း ထုတ်ပြောလာပါတယ်။

“ကျမဝတ်နေကျ ပုံစံနဲ့ သူ့ကို ၀တ်ထားပေးလိုက်တယ်။ အနက်ရောင်ဆံပင်တုတစ်ခုနဲ့ ဆံထုံးတွေစွတ်ပေးပြီး မျက်နှာဖုံးနဲ့ နေကာမျက်မှန်တစ်လက် တပ်ပေးခဲ့ပါတယ်။  ကျမရဲ့ ဖိနပ်နဲ့ ခြေအိတ်တွေကိုလည်း ၀တ်ပေးထားပါတယ်" လို့ Eilish က ဆိုပါတယ်။

“ကျွန်မ သူ့ကို စင်မြင့်ရဲ့နောက်ကွယ်မှာ ထားခဲ့ပြီး မီးတွေထိုးထားပြီး သူရပ်နေတဲ့အခါ လူတိုင်းက ကျွန်မလို့ ထင်နေကြပါတယ်” လို့ အဆိုတော်က ဆက်ပြီးပြောပါတယ်။ “အဲဒါက ကျမ မဟုတ်ဘူးဆိုတာ ဘယ်သူမှ မသိခဲ့ကြပါဘူး၊ ပြီးတော့ သူအဲဒီမှာ ရှိနေတဲ့အချိန်မှာ ကျမက အနက်ရောင် ကုတ်အင်္ကျီကြီးတစ်ထည်၊ မျက်မှန်တစ်လက်ကို ၀တ်ပြီး အနားမှာရှိနေခဲ့ပါတယ် လို့ပြောပါတယ်။

အဲ့ဒီလိုလူစားလဲမှုကို အသက် 20 အရွယ် သူ့ရဲ့ မိတ်ဆက်ပွဲအတွင်းလုပ်ခဲ့တာဖြစ်ပြီး  Eilish ရဲ့ “Oxytocin” နှင့် “Happier Than Ever” သီချင်းများကို Eilish ပုံစံနဲ့တစ်ယောက်က စင်ပေါ်မှာ မီးခိုးလုံးများကြားမှာ ရပ်ပြီးဆိုနေခဲ့ပါတယ်။

ဒါပေမယ့် နှစ်မိနစ်ကြာတဲ့အထိ အဆိုတော်ရဲ့ မျက်နှာကို မပြခဲ့ပါဘူး။ ယခုလအစောပိုင်းမှာ Eilish နှင့် သူ့အစ်ကို Finneas တို့ဟာ အင်္ဂလန်နိုင်ငံ Manchester မြို့က ဖျော်ဖြေပွဲတစ်ခုအတွင်း “TV” အမည်ရ သီချင်းအသစ်နဲ့ အတူဆိုခဲ့ကြပါသေးတယ်။

နောက်ပြီး Matthew Tyler Vorce နဲ့တွဲပြီး မကြာသေးမီက လမ်းခွဲခဲ့တဲ့ Johnny Depp နှင့် Amber Heard အသရေဖျက်မှုဆိုင်ရာ ရုံးတင်စစ်ဆေးခြင်းတို့ကို ရည်ညွှန်းထားတဲ့ သီချင်းတစ်ပုဒ်ကိုလည်း မကြာခင်ထုတ်ဝေဖို့ရှိတယ်လို့ သိရပါတယ်။

Photo-credit

သတင်း အရင်းအမြစ်៖ New York Post