ချစ်သူ ကျော်ထွဋ်ဆွေရဲ့ လက်ထပ်ခွင့်ကို လက်ခံလိုက်ပြီဖြစ်တဲ့ မော်ဒယ် နန်းသူဇာ

ခပ်မိုက်မိုက်စကားလုံးတွေနဲ့ (၁၁) နှစ်ကျော် အကြာ ချစ်သူ သက်တမ်း အထိ နန်းသူဇာ လေးကို ချုပ်ထားသူကတော့ အဆိုတော် ကျော်ထွဋ်ဆွေပါပဲ။ သူတို့နှစ်ဦးစလုံးဟာ တစ်ဦးအပေါ်တစ်ဦး ချစ်ခင်မြတ်နိုးကြပြီး ဂရုစိုက်ကြင်နာလွန်းတတ်တဲ့ အမူအကျင့်တွေကြောင့် ပရိတ်သတ်တွေက သတိထားမိပြီး အားကျလေးစားရတဲ့ စုံတွဲတစ်တွဲအဖြစ် လူသိများလာတာဖြစ်ပါတယ်။

အနုပညာရှင်စုံတွဲဖြစ်တဲ့ အဆိုတော် ကျော်ထွဋ်ဆွေနဲ့ မော်ဒယ် နန်းသူဇာ တို့စုံတွဲ ဘယ်တော့လက်ထပ်ကြမလဲဆိုတာ ပရိသတ်တွေက အမြဲ စိတ်ဝင်တစားစောင့်ကြည့်ခဲ့ကြတာဖြစ်ပါတယ်။ အဲ့သလို စောင့်ကြည့်နေတဲ့ ပရိသတ်တွေအတွက် ကိုကျော်ထွဋ်ဆွေက တစ်ကွက်ပြသွားခဲ့ပါပြီ။

ကိုကျော်ထွဋ်ဆွေ ဟာ ယမန်နေ့ ဇွန်လ(၂၂)ရက်နေ့က ချစ်ရသူ မနန်းသူဇာကို လက်ထပ်ခွင့်တောင်းခဲ့တာဖြစ်ပြီး အဆိုပါလက်ထပ်ခွင့်ကို မနန်းသူဇာက လက်ခံခဲ့တာပဲဖြစ်ပါတယ်။ မနန်းသူဇာကို ၎င်း ပျော်စရာအကြောင်းအရာလေးကို သူမ ရဲ့ Facebook စာမျက်နှာပေါ်မှာ ဝေမျှလာခဲ့တာဖြစ်ပြီး သူမက " "I said YES...ဒီတခါတော့ ကိုကျော်ကြီး Surprise အောင်မြင်ခဲ့ပြီ "ဟုရေးသားထားတာဖြစ်ပါတယ်။ ကိုကျော်ကြီးတစ်ယောက် ဘယ်လိုတွေ ရိုထားလဲဆိုတာ ကြည့်ရှုနိုင်စေဖို့ ဖော်ပြပေးလိုက်ရပါတယ်။