ထုတ်ခဲ့တဲ့ အယ်လ်ဘမ်တစ်ခုရဲ့ ကာဗာဓာတ်ပုံက ဆက်စီကျနေလို့ ရှက်မိတယ်ဆိုတဲ့ ဆယ်လီနာဂိုးမက်ဇ်

https://s9.kh1.co/60/60cbfb25c0b9c363df1c909a3cc86f1e70d07aa9.jpg
အနုပညာရှင်များ
 21-Jun-2022 2pm · 12 days ago

သူ့အနေနဲ့အကောင်းဆုံးကို ကြိုးစားခဲ့တယ်လို့လည်း ထုတ်ပြောခဲ့ပါတယ်

ဆယ်လီနာဂိုးမက်ဇ်ဟာ ဟိုးငယ်ငယ်ကလေးဘဝထဲကတောက်လျှောက် ပရိသတ်တွေရှေ့မှာ အနုပညာလမ်းကို လျှောက်လှမ်းနေသူပါ။သူမရဲ့အနုပညာသက်တမ်းတလျှောက် ထုတ်ခဲ့တဲ့ သီချင်းအယ်လ်ဘမ်တွေလည်းအများကြီးရှိပြီး အယ်လ်ဘမ်အားလုံးနီးပါးရဲ့ ကာဗာတွေက အရမ်းလှပတဲ့အပြင် အနုပညာဆန်ပေမဲ့ ဆက်စီကျလွန်းတဲ့ ကာဗာတစ်ခုကြောင့် သူရှက်နေမိပါတယ်တဲ့။

https://s9.kh1.co/__image/w=650,h=366,q=100/83/83176895aa321b1c7d4347574bcdbfa4946a8735.png

ဒီအကြောင်းကိုတော့ သူအပါအဝင် တခြားအမျိုးသမီးငါးယောက်နဲ့ Hollywood Reporter ကပြုလုပ်တဲ့ စကားဝိုင်းမှာထုတ်ပြောခဲ့တာဖြစ်ပါတယ်။စကားဝိုင်းထဲကတစ်ယောက်က “ဆယ်လီနာဆိုရင် ငယ်ငယ်ရွယ်ရွယ်နဲ့ လိင်ပိုင်းဆိုင်ရာနှောင့်ယှက်ခံခဲ့ရပေမဲ့ အဲ့ဒါတွေကိုလက်မခံပဲ ကိုယ်ပိုင်စတိုင်နဲ့ ကိုယ်ပိုင်ဖြစ်တည်မှုကို ရှာတွေ့ခဲ့တယ်နော်။သူတို့ကမင်းကို စနစ်တစ်ခုထဲကိုပစ်ထည့်လိုက်ပြီး ဒါမင်းလုပ်ရမယ့်ပုံစံပဲဆိုပြီး ခံစားရအောင်လုပ်မယ်။အထူးသဖြင့် မင်းကိုလူတွေကချီးကျူးနေပြီး ကြိုက်နေကြတဲ့အချိန်မှာပေါ့။လူကြိုက်များတာကို လက်လွှတ်ရတာခက်ခဲတယ်လေ၊ဒါပေမဲ့ငါလည်း မင်းလိုပဲလုပ်မှာပါ”လို့ပြောခဲ့တာပါ။

ဆယ်လီနာဂိုးမက်ဇ်နဲ့ စကားဝိုင်းမှာရှိခဲ့ကြသူများ (image via Hollywood Reporter)
ဆယ်လီနာဂိုးမက်ဇ်နဲ့ စကားဝိုင်းမှာရှိခဲ့ကြသူများ (image via Hollywood Reporter)

ဆယ်လီနာကအဲ့ဒီစကားကိုထောက်ခံခဲ့ပြီး “အဲ့ဒါကတကယ်မတရားဘူး။ကျွန်မလည်း အယ်လ်ဘမ်ကာဗာတစ်ခုလုပ်ခဲ့ပြီးမှ အခုပြန်ရှက်နေမိတယ်။ကာဗာပုံကဖြစ်သင့်တာထက်ပိုပြီး အဓိပ္ပါယ်နက်နက်ရှိုင်းရှိုင်းပိုနေလို့ အဲ့ဒီခံစားချက်တွေကို သေချာဆန်းစစ်ခဲ့ရတယ်။အဲ့ဒါကိုရွေးချယ်ချိန်တုန်းကလည်း ကျွန်မမပျော်နေခဲ့ပါဘူး။ဒါပေမဲ့ ကျွန်မအကောင်းဆုံးကိုလုပ်ခဲ့တယ်လို့ထင်တယ်။အနည်းဆုံးတော့ အကောင်းဆုံးကြိုးစားခဲ့တယ်ပေါ့”လို့ပြန်ပြောခဲ့ပါတယ်။

စကားဝိုင်းမှာတွေ့ရတဲ့ ဆယ်လီနာဂိုးမက်ဇ် (image via Hollywood Reporter)
စကားဝိုင်းမှာတွေ့ရတဲ့ ဆယ်လီနာဂိုးမက်ဇ် (image via Hollywood Reporter)

သူမကတော့ စကားဝိုင်းထဲမှာ ဘယ်အဘ်လ်ဘမ်လဲဆိုတာထုတ်မပြောခဲ့ပေမဲ့ ၂၀၁၆ တုန်းကထုတ်ခဲ့တဲ့ Revival အဘ်လ်ဘမ်ကိုပြောတာဖြစ်နိုင်တယ်လို့ ပရိသတ်တွေကခန့်မှန်းထားကြပါတယ်။အဲ့ဒီပုံထဲမှာဆိုရင် သူမမှာအင်္ကျီမပါပဲ ဆက်ဆီဆန်ဆန်ရိုက်ကူးထားတာပါ။

Revival အယ်လ်ဘမ်ရဲ့ ကာဗာဓာတ်ပုံ

ထပ်ပြီးတော့လည်း “ဆက်ဆီကျတာကို မုန်းတာတော့မဟုတ်ပါဘူး။တခါတလေကျရင်လည်း ဆက်ဆီကျရတာကို သဘောကျတယ်။ဒါပေမဲ့ ဘယ်သူ့အတွက်မှမဟုတ်ပဲ ကိုယ့်အတွက်ကိုယ်ပဲ ဆက်ဆီကျချင်တာပါ”လို့ပြောခဲ့ပါသေးတယ်။

Aung Pyae Sone
Aung Pyae

ဆက်စပ်သတင်း