Facebook Cele တစ်ဦးဖြစ်တဲ့ ဒေါက်တာမြဝတ်ရည်ကတော့ စကားပြောရင် ပွင့်ပွင့်လင်းလင်းပြောပြီး မဟုတ်မခံတတ်သလို ချစ်စရာစိတ်ထားလေးတွေကြောင့် ပရိသတ်တွေရဲ့ အားပေးချစ်ခင်မှုတွေကို ရရှိထားသူလေးဖြစ်ပါတယ်။
ဒေါက်တာမြဝတ်ရည်ဟာဆိုရင် ခွဲစိတ်အထူးကု ဆရာဝန်တစ်ယောက်ဖြစ်ပြီး CDM ပြုလုပ်ကာ ပြည်သူလူထုနဲ့အတူတစ်သားတည်းရပ်တည်နေသူ ဆိုရင်လည်း မမှားပါဘူးနော်။
သူမကတော့ ချစ်ရတဲ့သူနဲ့ လက်ထပ်ပြီး အခုဆိုရင် သမီးလေးတစ်ယောက်နဲ့အတူ သာယာပျော်ရွှင်တဲ့ မိသားစုဘဝလေးကို တည်ထောင်ထားသူလည်း ဖြစ်ပါတယ်။
မေမေမြဝတ်ရည်က လက်ရှိမှာ သမီးလေး Mia နဲ့ အတူအချိန်တွေ ကုန်ဆုံးနေတာဖြစ်ပြီး သမီးလေး Mia က အခုဆိုရင် (၁၀) လ ပြည့်ပြီပဲ ဖြစ်ပါတယ်။
မြဝတ်ရည်ကတော့ (၁၀)လပြည့်ပြီ ဖြစ်တဲ့ သမီးလေးရဲ့ ချစ်စရာ ပုံလေးတွေနဲ့အတူ "စောစောအိပ် စောစောထ တက်ကြွပြီး ထဆော့နေတဲ့ Mia 10 လတောင် ပြည့်ပေါ့ ငါ့သမီးလေး" ဆိုပြီး သူမရဲ့ လူမှုကွန်ယက်ထက်မှာ တင်လာတာလည်းဖြစ်ပါတယ်။
