တောင်ကိုးရီးယားမင်းသမီး Han Ji Seong ဟာဆိုရင် ပရိသတ်တွေရဲ့ အားပေးမှု တခဲနက်ရရှိနေတဲ့အချိန် မှာကွယ်လွန်ခဲ့တဲ့သူဖြစ်ပါတယ်။ သူမဟာ လက်ထပ်ပြီး ၂ လအကြာမှာ ဆုံးပါးသွားခဲ့ရတဲ့ တောင်ကိုရီးယားရဲ့ တစ်ဦးတည်းသောအနုပညာရှင် ဖြစ်ပါတယ်။ 

Han Ji Seong  က သူမရဲ့ ပွဲဦးထွက်ကို အဆိုတော်အဖြစ်နဲ့ စတင်ခဲ့တာဖြစ်ပြီး နောက်ပိုင်းမှာ သရုပ်ဆောင်လောကထဲကိုရောက်ရှိခဲ့တာ ဖြစ်ပါတယ်။ သူမ ပါဝင်ရိုက်ကူးထားတဲ့ ဇာတ်လမ်းတွေက SBS ဒရမ်မာတွေဖြစ်တဲ့“Second to Last Love” ၊ “Happy Sisters” နဲ့  “One Punch.” တို့ပဲ ဖြစ်ပါတယ်။

Han Ji Seong က ၂၀၁၉ ခုနှစ် မတ်လမှာ တောင်ကိုရီးယားမှာ နာမည်ကြီးတဲ့ ရှေ့နေ တစ်ယောက်နဲ့ လက်ထပ်ခဲ့တာ ဖြစ်ပါတယ်။ Han Ji Seong  ဟာ ခင်ပွန်း ဖြစ်သူနဲ့ လက်ထပ်အပြီး ၂ လအကြာ (မေလ ၊ ၂၀၁၉ ခုနှစ်) မှာ အမြန်လမ်းမကြီး ပေါ်မှာ ဖြစ်ခဲ့တဲ့ ယာဉ်တိုက်မှုကြောင့် သေဆုံးခဲ့ရတာဖြစ်ပါတယ်။ 

စစ်ဆေးတွေ့ရှိချက်တွေအရ ယာဉ်မတော်တဆမှု ဖြစ်ခဲ့စဉ်က Han Ji Seong က အရက်သောက်ထားတယ်လို့ သိရပြီး alcohol level 0.1 အထိ ရှိတယ်လို့ သိရပါတယ်။ 

Han Ji Seong က သူမ အမျိုးသားဖြစ်သူနဲ့အတူ ကားမောင်းလာရင်း အမျိုးသားဖြစ်သူက သန့်စင်ခန်း အမြန်သွားချင်လာတာကြောင့် ကားကို အဝေးပြေး လမ်းမ အလယ်မှာ ရပ်ခဲ့ရင်း အမြန်မောင်းလာတဲ့ ကားနဲ့ တိုက်မိခဲ့တာလို့ သိရပါတယ်။ 

ခင်ပွန်းဖြစ်သူ ပြန်လာချိန်မှာ ယာဉ်တိုက်မှုက ဖြစ်ပြီးနေပြီး အမျိုးသမီး ဖြစ်သူHan Ji Seong ဟာ လည်း ယာဉ်နှစ်စီးကြားမှာ ညှပ်နေခဲ့တယ်လို့ သိရပါတယ်။ နာမည်ရအောင်မြင်နေတဲ့အချိန် ၊ လက်ထပ်ပြီး ၂ လအကြာမှာ ကံဆိုးစွာနဲ့ လူ့လောကထဲကနေ ထွက်သွားခဲ့ရတဲ့ တောင်ကိုရီးယား အဆိုတော် ၊ သရုပ်ဆောင် Han Ji Seong အကြောင်းကို ပရိသတ်ကြီးအတွက် ဝေမျှပေးလိုက်ပါတယ်။