သမန်းကုန်းကျေးရွာမှာ နေထိုင်တဲ့ အသက် (၁၀) နှစ်အရွယ် သရက်ကင်သည်လေး ဂျမ်းတောကတော့ ငယ်ငယ်ရွယ်ရွယ်လေးနဲ့ မိသားစု စားဝတ်နေရေးအတွက် ရုန်းကန်နေသူလေးဖြစ်ပါတယ်။ မကြာသေးမီကမှ မိခင်ဖြစ်သူကလည်း ရောဂါနဲ့ ကွယ်လွန်သွားခဲ့တာ ဖြစ်ပါတယ်။ အသက်ငယ်ငယ်လေးနဲ့ ခက်ခဲတဲ့ လောကဓံကို ရင်ဆိုင်နေကြတာကြောင့် ပရိသတ်တွေကလည်း စိတ်မကောင်းဖြစ်နေတာ ဖြစ်ကြပါတယ်။

ဂျမ်းတောလေးကို အလှူရှင်တွေကလည်း ဝိုင်းဝန်းထောက်ပံ့ကြသလို သရုပ်ဆောင် စည်သူပလပ်ကျွတ်ကလည်း တတ်နိုင်သလောက် ကူညီထောက်ပံ့နေပါတယ်။ ဂျမ်းတောလေးက ပင်ပင်ပန်းပန်း သရက်ကင်တွေ လိုက်လံ ရောင်းချနေစရာမလိုတော့ဘဲ အခုဆိုရင် ကိုစည်သူနဲ့အတူ Online ပေါ်မှာ စျေးရောင်းနေတာ ဖြစ်ပါတယ်။

မနေ့က မျက်မှန်ဆိုင်မှာ Live လွှင့်ဈေးရောင်းနေပြီး မျက်မှန်ဆိုင်ကနေ Cake လက်ဆောင်ပေးတဲ့ ထဲမှာ ၁သောင်းတန်တွေ ပါလာတာကြောင့် ဂျမ်းတောလေးတစ်ယောက် ပျော်နေရှာတာ ဖြစ်ပါတယ်။ Cake ထဲကနေ ထွက်လာတဲ့ ၁ သောင်းတန်တွေကို ၁၁သောင်း၊ ၁၂သောင်း ရေတွက်ပြီး ပျော်နေတဲ့ ဂျမ်းတောလေးရဲ့ Video ကို ပရိသတ်တွေအတွက် ပြန်လည်မျှဝေပေးလိုက်ပါတယ်။

Source : စည်သူ ဘီးကျဲ's FB Acc