Halima Cissé ဟာ Morocco မှာ ကလေး ကိုးယောက်ကို တစ်ခါထဲ မွေးဖွားနိုင်ခဲ့ပါတယ်။ မာလီသမ္မတဟာလည်း ဒီကိစ္စကြောင့် အထူးစောင့်ရှောက်မှု ပြုလုပ်ပေးခဲ့ပြီး သူကိုယ်တိုင် လာရောက်တွေ့ခဲ့ပါတယ်။ " ကျွန်တော်အရမ်းပျော်ပါတယ်၊ ကျွန်တော်မိန်းမရော ကလေးတွေပါ အဆင်ပြေကြပါတယ် " ဆိုပြီး ယောက်ျားဖြစ်သူက ပြောပြခဲ့ပါတယ်။ ကလေးတွေကတော့ မိန်းကလေး ၅ ယောက်ဖြစ်ပြီး ယောက်ျားလေး ၄ ယောက်ဖြစ်ပါတယ်။

၂၀၀၉ ခုနှစ်တုန်းက ကလေး ၈ ယောက် တစ်ခါထဲ မွေးခဲ့တဲ့ US က အမျိုးသမီးတစ်ယောက်ဟာ ကလေးမွေးစဉ် အများဆုံး မွေးဖွားနိုင်တဲ့ ဂင်းနစ်ကမ္ဘာ့စံချိန်ကို တင်ထားနိုင်ခဲ့ပါတယ်။ ကလေးကိုးယောက်ကို တစ်ခါထဲ မွေးဖွားတဲ့ဖြစ်စဉ်ဟာ နှစ်ခုရှိခဲ့ပါတယ်။ တစ်ခုကတော့ ၁၉၇၁ ခုနှစ်က Australia ကအမျိုးသမီးတစ်ယောက်ဖြစ်ပြီး နောက်တစိခုက ၁၉၉၉ တုန်းက Malaysia ကအမျိုးသမီးတစ်ယောက်ဖြစ်ပါတယ်။ ဒါပေမယ့် ကလေးတစ်ယောက်မှ အသက်မရှင်နိုင်ခဲ့ပဲ ရက်အနည်းငယ်လောက်သာ နေနိုင်ခဲ့ကြပါတယ်။

ကလေး၈ယောက်မွေးပြီး စံချိန်တင်ထားတဲ့ Nadya Suleman ရဲ့ ကလေးတွေဟာဆိုရင် ခုချိန်မှာ အသက် ၁၂နှစ်ရှိနေပြီဖြစ်ပါတယ်။ မာလီကျန်းမာရေး၀န်ကြီး Fanta Siby က "ပျော်ရွှင်စရာရလဒ်" အတွက်မာလီနှင့်မော်ရိုကိုရှိ ဆေးအဖွဲ့များကို ချီးကျူးစကားပြောကြားခဲ့ပါတယ်။ ဒီဖြစ်စဉ်ဟာ အင်မတန်ကိုမှ ရှားပါးတဲ့ ဖြစ်စဉ်တစ်ခုဖြစ်ပြီး မိသားစုဟာလည်း လူတိုင်းရဲ့ နွေးထွေးဆက်ဆံမှုကို ရရှိခဲ့ပါတယ်။ သမ္မတတောင်မှ သူတို့ကိုလာရောက်တွေ့ပေးခဲ့ပါတယ်။ ခုလိုကလေးအများကြီးကို တစ်ခါထဲ မွေးဖွားတဲ့ဖြစ်စဉ်ဟာ မိခင်ရော ကလေးတွေအတွက်ပါ စွန့်စားရာကျပါတယ်။ ခုလိုအဆင်ပြေပြေနဲ့ မွေးဖွားလာတယ်ဆိုတာ တကယ်ကံကောင်းလို့ပဲလို့ ဆရာ၀န်တစ်ယောက်က ပြောပြခဲ့ပါတယ်။

သတင်းအရင်းမြစ်: BBC

"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။