ထူးခြားတဲ့အသွင်အပြင်နှင့် နာမည်ကြီးတဲ့ ကိုမွန်ဒေါခွေးလေးများ

ကုတ်အင်္ကျီဝတ်ထားသလိုမျိုး ကိုယ်ထည်နှင့် ချစ်ဖို့ကောင်းတဲ့ကိုမွန်ဒေါခွေးလေးတွေဟာ ခွေးမျိုးစိတ်တွေထဲမှာနာမည်ကြီးတဲ့သူတွေဖြစ်ပါတယ်။ သူတို့ဟာ ထူထဲပြီးတော့ ရှည်လျားတဲ့အမွှေးတွေရှိနေတဲ့အမွှေးတွေကိုပိုင်ဆိုင်ထားပြီးတော့ ရှေးခေတ်ဟန်ဂေရီသိုးထိန်းခွေးတွေဖြစ်ကြပါတယ်။ သူတို့ဟာကြောက်ရွံ့တာသိပ်မရှိဘဲ ရဲရင့်ကြတဲ့ခွေးလေးတွေပါ။

သိုးထိန်းခွေးဖြစ်တာကြောင့် သစ္စာရှိခြင်းနှင့်ပတ်သက်ပြီးလည်းနာမည်ကြီးကြပါတယ်။ သူတို့ရဲ့အမွှေးရှည်တွေဟာပိုပိုပြီးရှည်လျားရှုပ်ထွေးလာတတ်တာကြောင့် ပိုင်ရှင်တွေအနေနှင့် အမွှေးတွေမရှုပ်သွားအောင်ဂရုစိုက်ပေးဖို့လိုအပ်ပါတယ်။ ဒီအမွှေးတွေဟာသူတို့ကိုသိုးအုပ်တွေထဲရောနှောစေပြီး တစ်ဖက်ရန်သူကိုတိုက်ခိုက်ဖို့ပိုပြီးလွယ်ကူစေတာကြောင့် ကိုမွန်ဒေါခွေးတွေဟာ သိုးထိန်းခွေးတွေကြားမှာအတော်လေးနာမည်ကြီးခဲ့ပါတယ်။

ဒါ့အပြင် သူတို့ဟာသင်ယူမှုမြန်ဆန်ပြီးတော့ ဉာဏ်ကောင်းကြတဲ့ခွေးအမျိုးအစားဖြစ်ပါတယ်။ စနစ်တကျသင်ပေးနိုင်တယ်ဆိုရင် အတော်များများလုပ်နိုင်စွမ်းရှိပေမဲ့ ခေါင်းမာပြီးတော့ ကလန်ကဆန်လုပ်တတ်ကြတဲ့ဗီဇလည်းရှိပါတယ်။ ကိုမွန်ဒေါတွေကို အိမ်မွေးတိရိစ္ဆာန်တွေအဖြစ်မွေးမြူဖို့တော့ အကြံမပြုကြပါဘူး။ အကြောင်းကသူတို့ဟာလှုပ်ရှားရတာကိုသဘောကျကြတာကြောင့် လူနေအိမ်အတွင်းမှာမနေနိုင်တဲ့အပြင် ထိန်းသိမ်းရခက်ခဲတတ်တာကြောင့်ဖြစ်ပါတယ်။