တိရစ္ဆာန်တော်တော်များများဟာ လူတွေလိုလမ်းမလျှောက်တက်ကြပါဘူး။ လူလိုလမ်းလျှောက်တဲ့သတ္တဝါဆိုတာကလည်း လက်ချိုးရေလိုရပါတယ်။ ဒါပေမယ့် ခွေးတစ်ကောင်ကတော့ လူတွေလိုလမ်းလျှောက်ပြီး နာမည်ကြီးနေပါတယ်။ ခွေးရဲ့နာမည်ကတော့ Dexter ပဲဖြစ်ပါတယ်။ လူတွေဟာလည်း သူ့ကို အံ့ဩဖွယ်ကောင်းတဲ့ ခွေးတစ်ကောင်လို့ သတ်မှတ်ထားကြပါတယ်။ သခင်ဖြစ်သူ Pasek ကတော့ "မြို့ထဲကလူတိုင်း သူ့ကိုသိကြပါတယ်၊ ကျွန်မကတော့ သူတို့ထက်ပိုသိပါတယ် " ဆိုပြီး ပြောပြခဲ့ပါတယ်။
Dexter ကို ယခုအချိန်မှာတော့ တစ်ကမ္ဘာလုံးသိရှိကြပါတယ်။ Instagram မှာ Follower ၆သောင်းကျော်ရှိပြီး TikTok မှာတော့ Viewer ၂သိန်း၁သောင်း၅ထောင်ရှိပါတယ်။ Pasek ကလည်း နေ့တိုင်းဆိုသလို သူ့ခွေးရဲ့ Video တွေ တင်လေ့ရှိပါတယ်။ တစ်ရက် Dexter လမ်းလျှောက်နေတုန်း ကျောင်းသားတစ်ယောက်က ဘာလို့ အဲ့လိုလမ်းလျှောက်ရလဲဆိုပြီး သခင်ဖြစ်သူကိုမေးခဲ့ပါတယ်။ " ဘာကြောင့်လဲဆိုတော့ သူ့မှာ အလုပ်ကောင်းကောင်းလုပ်တဲ့ ခြေနှစ်ချောင်းပဲရှိတော့လို့ပါ၊ အဲ့လိုဖြစ်ရတာဟာ မတော်တဆမှုတစ်ခုကစတာပါ " လို့ Pasek က အဲ့ကောင်လေးကို ပြောပြခဲ့ပါတယ်။
၂၀၁၆ တုန်းက Dexter ကို သူတို့မိသားစုတွေပိုင်ဆိုင်ခဲ့တဲ့အချိန်မှာ Dexter ဟာ အိမ်ကနေထွက်သွားခဲ့ပြီး အနီးရှိပန်ခြံထဲမှာ သမင်တွေကို အနံခံနေခဲ့ပါတယ်။ အဲ့လို အနံခံရာနောက်သွားနေရင်း ကားတစ်စီးဟာ သူ့ရှေ့ခြေထောက်ပေါ်ကနေ ဖြတ်သွားခဲ့ပါတယ်။ Pasek က " ကျွန်မတို့က သူ့ကိုအသက်မရှင်နိုင်တော့ဘူးလို့တောင် ထင်ခဲ့ကြတာပါ " လို့ပြောခဲ့ပါတယ်။ ဒီမိသားစုအနေနဲ့လည်း နှစ်နှစ်နဲ့တင် ခွေးနှစ်ကောင်ကို ဆုံးရှုံးထားရပါတယ်။ ခုတော့ Dexter ဟာ မတော်တဆမှုကြောင့် ရှေ့ခြေထောင်ကိုဆုံးရှုံးခဲ့ရပေမယ့် သေကံမရောက်ခဲ့ပဲ လူလိုလမ်းလျှောက်တက်လို့ နာမည်တောင်ကြီးလာခဲ့ပြီဖြစ်ပါတယ်။
သတင်း အရင်းအမြစ်៖ 9news