အမေရိကန်နိုင်ငံသား ကပ္ပတိန်ဂျိုးဆက်ဘတ်ကော့ဆိုသူဟာ ၁၉၂၀ခုနှစ်မှက အိုဟိုင်းယိုးပြည်နယ်မှာ Fairport Harbor လို့အမည်ရတဲ့မီးပြတိုက်တစ်ခုကို တည်ဆောက်ခဲ့ပါတယ်။

ဂျိုးဆက်ဟာ မီးပြတိုက်မှာပဲ သူ့ဇနီးသည် မယ်ရီ၊ သူ့ကလေးများဖြစ်ကြတဲ့ ဟေတီ၊ ရိုဘီတို့နဲ့အတူနေထိုင်ခဲ့ကြပြီး တနေ့မှာတော့ စိတ်မကောင်းစရာ အကြောင်းအရာတွေဟာ သူတို့မိသားစုဆီကိုရောက်လာပါတော့တယ်။

ဂျိုးဆက်ရဲ့ သမီးလေးရိုဘီဟာ အသက်၅နှစ်ရောက်တဲ့အခါမှာ အပြင်းအထန်ဖျားနာဝေဒနာခံစားနေရပီး ဆုံးပါးသွားခဲ့ရရှာပါတယ်။

ရိုဘီလေးရဲ့မိခင်ဟာလည်း သမီးလေးအတွက်နဲ့ စိတ်ထိခိုက်ပီး အိပ်ရာထဲ ဘုန်းဘုန်းလဲခဲ့ရပါတော့တယ်။

ဒါ့ကြောင့်ကပ္ပတိန်ဂျိုးဆက်ဟာ သူ့ဇနီးသည် စိတ်ချမ်းသာစေဖို့သူ့ဇနီးချစ်မယ်လို့ထင်ရတဲ့ ကြောင်းလေးတွေကို ၀ယ်လာပေးခဲ့ပါတယ်။ အာ့ဒီကြောင်းလေးတွေထဲမှာမှ မီးခိုးရောင်ကြောင်လေးတစ်ကောင်ဟာ အိပ်ရာထဲလဲနေတဲ့ ဂျိုးဆက်ရဲ့ဇနီးသည်အနားမှာသာ အမြဲတမ်းနေပါတယ်။ဇနီးသည်မယ်ရီ ဆုံးပါးသွားတဲ့အခါမှာ အခြားကြောင်များဟာ မီးပြတိုက်ထဲမှာဆက်နေကြပေမဲ့လည်း ဂျိုးဆက်ရဲ့ ဇနီးသည်အနားမှာနေလေ့ရှိတဲ့ မီးခိုးရောင်ကြောင်လေးကတော့ ထူးဆန်းစွာပျောက်ဆုံးသွားခဲ့ပါတယ်။

ဇနီးသည်ဆုံးပါးသွားပီးနောက် ဂျိုးဆက်ဟာ မီးပြတိုက်ကနေ (၁၀)စုနှစ်တစ်ခုကျော် ကြာလောက်တဲ့အထိ ထွက်သွားခဲ့ပီး နှစ်တော်တော်ကြာသွားမှပြန်လာခဲ့ပါတယ်။

ပြန်ရောက်လာပီးတဲ့အခါမှာတော့ ဂျိုးဆက်ဟာမီးပြတိုက်ကြီးကို ပြတိုက်အဖြစ်််ပြန်လည်ပြုပြင်ခဲ့ပါတယ်။

ပြတိုက်အဖြစ်ပြောင်းလဲပီးတဲ့နောက် လာရောက်လည်ပတ်သူများဟာ ပြတိုက်ထဲမှာ မီးခိုးရောင်ကြောင်တစ်ကောင်ကို မကြာခဏတွေ့မြင်ကြရတယ်လို့ ဆိုပါတယ်။ဒါ့အပြင် ကြောင်အော်သံများ၊ ကြောင်ခုန်ချသံများကိုလည်း ကြားခဲ့ရပီး ဒီကြောင်ဟာဂျိုးဆက်ဇနီးသည်သေဆုံးသွားပီးနောက် ပျောက်ဆုံးကာသေဆုံးသွားတဲ့ကြောင်ဖြစ်နိုင်မယ်လို့ယုံကြည်ကျပီး ကြောင်ရဲ့နာမည်ကိုလည်း ဆန်တီနယ်လို့အမည်ပေးခဲ့ကြပါတယ်။

ကြောင်တစ်ကောင်ရဲ့သက်တမ်းဟာ အများဆုံး၈နှစ်ကနေ ၁၀နှစ်အတွင်းသာရှိတဲ့အတွက် ဒီကြောင်ဟာ တစ္ဆေကြောင်ဖြစ်မယ်လို့လူတွေက ကောက်ချက်ချခဲ့ကြပါတယ်။

(၂၀၀၁)ခုနှစှ်ရောက်ချိန်မှာ ပြတိုက်ကြီးကို လေအေးပေးစက်ကစပီး အစအဆုံးတပ်ဆင်အဆင့်မြှင့်တင်ခဲ့ချိန်မှာ အလုပ်သမားတစ်ဦးဟာ ကြောင်သေတစ်ကောင်ကို ခလုတ်တိုက်မိခဲ့ပြီး အဲဒီခလုတ်တိုက်မိတဲ့ကြောင်ဟာ မီးခိုးရောင်ကြောင်ဖြစ်နေတာကို ထူးဆန်းစွာတွေ့လိုက်ရပါတယ်။ ပိုပီးထူးဆန်းတာက ဒီဖြစ်ရပ်အပီး ပြတိုက်အတွင်းကြောင်တစ္ဆေခြောက်ခြင်းများ မတွေ့ကြုံရတော့တာကြောင့် တစ္ဆေကြောင်ကြီးဟာ ဘဝကူးပြောင်းသွားပီလို့မှတ်ယူခဲ့ကြပါတယ်။ဒါ့အပြင် ထူးခြားချက်နောက်တစ်ခုက အဲဒီတစ္ဆေကြောင်ကြီးရဲ့ရုပ်ကျွင်းဟာ ကျန်ရစ်ခဲ့တာဖြစ်ပီး ဒီသတင်းဟာဟိုးလေးတကျော်ကျော်ဖြစ်ခဲ့ရပါတယ်။ယခုအချိန်မှာတော့ အဆိုပါကြောင်ရုပ်ကြွင်းကို အမှတ်တရရုပ်ကြွင်းအဖြစ်ထားရှိဖို့ တာဝန်ရှိသူများ စီစဉ်ခဲ့ကြပီး၊ ပြတိုက်ကြီးဟာယနေ့တိုင်စိတ်ဝင်တစားလာရောက်ကြည့်ရှုသူများနှင့် စည်ကားလျက်ရှိနေပါတယ်လို့ သိရပါတယ်။

သတင်းအရင်းမြစ်: Rockthelake

"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။