ဇာတ်လမ်းတွဲများစွာ ရိုက်ကူးထားပြီး ပရိသတ်တွေရဲ့တစ်ခဲနက် ချစ်ခင်အားပေးမှုတွေနဲ့အတူ အောင်မြင်နေတဲ့ သရုပ်ဆောင်မင်းသားချော ဘုန်းဆက်သွင်ကတော့ တော်လှန်ရေးတိုက်ပွဲကြီးမှာ တက်တက်ကြွကြွပါဝင်နေသူပဲ ဖြစ်ပါတယ်..။

ဘုန်းဆက်သွင်ကတော့ ဖေဖော်ဝါလ (၁)ရက်နေ့ကတည်းက လမ်းပေါ်ထွက်လှုပ်ရှားမှုတွေမှာ ကိုယ်တ်ုင်ကိုယ်ကျအပင်ပန်းခံကာ အင်တိုက်အားတိုက်နဲ့ ကျရာတာဝန်ကနေ အားဖြည့်ပါဝင် လုပ်ဆောင်နေသူလည်း ဖြစ်ပါတယ်..။

Photo Credit - PhoneSett Thwin's Fb Acc
Photo Credit - PhoneSett Thwin's Fb Acc

လူထုလှုပ်ရှားမှုတွေကို ဆက်တိုက်လုပ်ဆောင်နေတဲ့ ဘုန်းဆက်သွင်ကတော့ လက်ရှိအခြေအနေတွေမှာ ၅၀၅ က ဖြင့် အရေးယူခြင်း ခံထားရပေမယ့်လည်း အားမလျော့သွေးမအေးသွားဘဲ တတ်နိုင်သလောက်ပါဝင်နေပြီး ဒီနေ့မှာလည်း ဝေဟင်မပျံနိုင်တဲ့ လေယာဉ်ပျံများ ကမ်ပိန်းမှာ ပါဝင်ကြဖို့ တိုက်တွန်းပြောပြလာပါတယ်..။

"တစ်နှစ် နှစ်တန်း" ပညာရေးစနစ်ကို သပိတ်မှောက်ဖို့အတွက် ဒီကနေ့ မေလ(၃)ရက်နေ့ နေ့လည်(၃)နာရီမှာ ကျောင်းပုံနှိပ်စာအုပ်စာရွက်တွေကို အသုံးပြုပြီး စက္ကူလေယာဉ်ပျံတွေပြုလုပ်ကာ ပစ်လွှတ်ပေးကြဖို့ သူ့ရဲ့ဖေ့စ်ဘွတ်စာမျက်နှာကနေ တိုက်တွန်းပြောပြလာတာပဲ ဖြစ်ပါတယ်..။

Photo Credit - PhoneSett Thwin's Fb Acc
Photo Credit - PhoneSett Thwin's Fb Acc

"ဝေဟင်မပျံနိုင်တဲ့ လေယာဉ်ပျံများ

"တစ်နှစ် နှစ်တန်း" စစ်ကျွန်ပညာရေးစနစ်ကို 

သပိတ်မှောက်ဆန့်ကျင်တယ်ဆိုရင် မေလပိုင်း ၃ရက်နေ့ ၃ နာရီ မှာ 

ကျောင်းပုံနှိပ်စာအုပ်တွေကိုအသုံးပြုပြီး

 စက္ကူလေယာဉ်ပျံတွေ ပြုလုပ်ပစ်လွှတ်ဖို့ မမေ့လိုက်ပါနဲ့။

အရေးတော်ပုံအောင်ပြီ 

TogetherWeCare 

ဝေဟင်မပျံနိုင်တဲ့လေယာဉ်ပျံများ.." ဆိုပြီး ရေးသားတိုက်တွန်းထားတာ ဖြစ်ပါတယ်..။

ဘုန်းဆက်သွင်ရဲ့ အဲ့ဒီပိုစ်အောက်မှာတော့ ပရိသတ်တွေကလည်း အားလုံးနဲ့အတူ လက်တွဲညီညီပါဝင်ကြမယ့် အကြောင်းတွေကို Comment တွေမှာ မှတ်ချက်ပေးရေးသားထားကြတာလည်း တွေ့ပါတယ်..။

Photo Credit - PhoneSett Thwin's Fb Acc

သတင်းအရင်းမြစ်: PhoneSett Thwin's Fb Acc


"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။