ကမ္ဘာ့ပေါ်မှာ သဘာဝအတိုင်းမဟုတ်ဘဲ လူသားတွေရဲ့ မလိုလောဘတွေကြောင့် နက်ရှိုင်းတဲ့ ဧရာမတွင်းပေါက်ကြီးတွေ ဖြစ်ပေါ်ခဲ့တာရှိပါတယ်။ အဆိုပါ တွင်းပေါက်ကြီးတွေဟာ ယနေ့ခတ်ကမ္ဘာပေါ်မှာ ကျော်ဇော်ထင်ရှားပြီး ခရီးသွားတွေအတွက် ဆွဲဆောင်ရာနေရာအဖြစ် တည်ရှိနေခဲ့ပါတယ်။ ယခုတွင်းပေါက်ကြီးကတော့ ကမ္ဘာပေါ်မှာ ၄ ခုမြောက် အကြီးဆုံး စိန်တွင်းကြီး Mirny Mine ပဲ ဖြစ်ပါတယ်။
စိန်တွင်းကြီး Mirny Mine ကတော့ ရုရှားအရှေ့ပိုင်း ဆိုက်ဘေးရီးယားဒေသမှာ တည်ရှိတာ ဖြစ်ပါတယ်။ တွင်းကြီးရဲ့ အနက်ကတော့ ၅၂၅ မီတာ (၁၇၂၂ ပေ) ရှိပြီး အချင်း ၁၂၀၀ မီတာ (၃၉၀၀ ပေ) ရှိပြီး ကမ္ဘာ့အကြီးဆုံး တူးဖော်ရရှိတဲ့ တွင်းများထဲမှ တစ်ခုဖြစ်ပါတယ်။
Mirny Mine စိန်တွင်းကြီးကိုတော့ ၁၉၅၇ ခုနှစ်က စတင်တူးဖော်ခဲ့တာဖြစ်ပြီး ၂၀၀၁ ခုနှစ်မှာ လုပ်ငန်းခွင်ကို ရပ်ဆိုင်းခဲ့တာ ဖြစ်ပါတယ်။
၂၀၀၉ ခုနှစ်မှစတင်ပြီးတော့ ဒီစိန်တွင်းကြီးဟာ မြေအောက် စိန်မိုင်းကြီးအဖြစ် အသက်ဝင်ခဲ့ပါတယ်။ လက်ရှိမှာတော့ Mirny Mine စိန်တွင်းကြီးဟာ ကမ္ဘာမှာ အထင်ရှားဆုံး လူလုပ် တွင်းနက်ကြီးအဖြစ် ရှိနေခဲ့ပြီဖြစ်ပါတယ်။
သတင်း အရင်းအမြစ်៖ Source - Wikipedia