ကြည်လင်ဝင်းပပြီး ကိုးရီးယားမင်းသမီးလေးလို ဖြူဖွေးအိညက်တဲ့ အသားအရည် ၊ ချစ်စရာအမူအရာဟန်ပန် ၊ သဘာဝကျကျပီပြင်တဲ့ သရုပ်ဆောင်ချက်တွေကြောင့် ပရိတ်သတ်တိုင်းရဲ့ ချစ်ခင်အားပေးမှု ကို အပြည့်အဝရရှိထားသူကတော့ မင်းသမီးချောလေး အကယ်ဒမီ ဖွေးဖွေးပဲဖြစ်ပါတယ်။
အားလုံးကချစ်ခင်ကြတဲ့ ဖွေးဖွေး ဟာ ရုပ်ရှင်ဇာတ်ကားကြီးများစွာမှာ ပါဝင်သရုပ်ဆောင်ခဲ့ပြီး သူမရဲ့ ပီပြင်ပိုင်နိုင်လွန်းတဲ့သရုပ်ဆောင်ချက်တွေကြောင့် ပရိတ်သတ်တွေရဲ့ ရင်ထဲ တဆင့်ချင်းထိုးဖောက်ဝင်ရောက်လာတာဖြစ်ပါတယ်။
လက်ရှိမှာတော့ သူမ အနေနဲ့ အနုပညာလှုပ်ရှာူမှုတွေကို ရပ်ဆိုင်းထားတာဖြစ်ပြီး ဒီနေ့ သူမရဲ့ Facebook စာမျက်နှာပေါ်မှာ "တစ်နေ့နေ့မှာတော့ အရင်လိုဘဝ ကိုပြန်လည်ရောက်ရှိစေချင်ပါတယ်...တချို့အရာတွေကို ပြန်လည် ခံစားကြည့်ရုံပါပဲ " ဆိုတဲ့ ခံစားချက်အပြည့်နဲ့ စာသားလေးကိုရေးသားဖော်ပြလာတာဖြစ်ပါတယ်။ အရင်လို ဘဝလေးကို အမြန်ဆုံးပြန်လည်ရောက်ရှိပြီး ချစ်ရသူတွေနဲ့လည်းအမြန်ဆုံးပြန်လည်ဆုံစည်းနိုင်ပါစေလို့ဆုတောင်းပေးလိုက်ရပါတယ်။
