၁။ အတင်းတုပ်တာ

မိန်းကလေးတွေ အတင်းတုပ်တာလောက် သူတို့သနားတယ်။ အတင်းတုပ်တာလို့ အမည်မတပ်ပေမယ့် သူတို့ချင်းဆုံပြီဆို လက်ပံပင်ဆက်ရက်ကျသလိုပဲ၊ ဘယ်သူကဘာဖြစ်တာ၊ ဘယ်ကောင်မလေးဘယ်လိုဖြစ်သွားတာဆိုပြီး အချင်းချင်းပြောနေကြတာများ။ သူတို့ပြောတာ သွားနားထောင်လဲ နားမလည်ဘူး။ သူတို့ချင်းပဲနားလည်တာ။

၂။ မနာလိုတာ

သူတို့မနာလိုဖြစ်ရင်မျက်စောင်းမထိုးဘူး၊ ရွဲ့မပြောဘူး။ စိတ်ထဲမှာ ကြိတ်ဖြစ်တာ။ ဟိုကောင် အဲရေမွှေးဆွတ်တာ၊ ဘယ်ဖိနပ်စီးတာကအစ စိတ်ထဲမှာ ကြိတ်ခံစားတာ။ နောက်ပြီး ကိုယ့် Crushကို တခြားအကောင်က မျက်နှာလိုမျက်နှာရလုပ်နေပြီဆိုလဲ အဲကောင်ကိုမနာလိုတာပဲ။ ဒါပေမယ့်မပြောဘူးနော်၊ စိတ်ထဲကြိတ်ခံစားတာ။

၃။ အကြိုက်ဆုံးမိန်းကလေးIdolရှိတာ

မိန်းကလေးတွေကို နင်တို့က ဟိုကောင်လဲကြိုက်၊ ဒီကောင်လဲကြိုက်ပြန်ပြီလို့သာပြောနေတာ။ သူတို့မှာလဲ အကြိုက်ဆုံး မိန်းကလေးIdolရှိပြီးသား။ လာမထိနဲ့၊ ထိလို့ကတော့ ကက်ကက်လန်စွာပြီပဲ။

၄။ အထာကိုင်တာ

မိန်းကလေးတွေမူတယ်ပြောတယ်။ ယောကျာ်းလေးတွေကပိုဆိုး၊ Crushဆီက စာဝင်နေမှန်းသိရက်နဲ့ အလုပ်ရှုပ်ချင်ယောင်ဆောင်ပြီး ပြီးမှစာပြန်တာမျိုးတွေ၊ အများကြီးပဲ သူတို့တွေအထာကိုင်တာ။

၅။ ကြည့်ကောင်းအောင်နေတတ်တာ

အိမ်ကနေ ဒီလိုပဲဆံပင်စုတ်ဖွားနဲ့ထွက်လာတာ၊ အဲလိုပြော ဘယ်တော့မှမယုံနဲ့၊ မျက်နှာသစ်ပြီးသုံးရတဲ့ Skin Careရယ်၊ ဆံပင်ပုံသွင်းနေရတာနဲ့အချိန်ကို ယူနေတော့တာ။ မှန်ရှေ့မကြည့်ဘဲလဲ မထွက်လာနိုင်ဘူး။ဆံပင်ပုံသွင်းတာ အဆင်မပြေတဲ့ရက်ဆို သူတို့လဲ မိန်းကလေးတွေနည်းတူ စိတ်မကြည်တဲ့ရက်ပဲ။

၆။ ဖိနပ်ရွေးတာ

ဒါကတော့ တစ်ချို့ယောကျာ်းလေးတွေမှလို့ထင်ပါတယ်။ တချို့တွေက ဖိနပ်အကြမ်းခံ စီးလို့အဆင်ပြေရင်တော်ပြီဆိုပေမယ့် တချို့တွေက သူတို့ဝယ်နေကျBrandမှ၊ ဖိနပ်ဝယ်ဖို့တစ်ခါပတ်ကြည့်ရင်မိန်းကလေးတွေထက်ဆိုးသေး၊ ဒါတောင် ဒေါက်မြင့်၊ ကျောက်တွေ အရောင်တွေ မပါဘူး၊ အကုန်အတူတူပဲကို။ နောက်ပြီး သူတို့ဖိနပ်တွေ Discountချရင် ရှေ့ဆုံးကနေပဲပြေးကြတာ။

၇။ ချိန်းတွေ့ဖို့ပြင်ပြင်ဆင်ဆင်

ချစ်သူနဲ့ ချိန်းတွေ့ရာမှာ လမ်းမှာပီကယ်လေးပဲ ကောက်ဝါးသွားပါတော့မယ်ဆိုတဲ့ ဟာသတွေက အလကား။ ရေမွှေးကို ကြောင်သေးနံ့ထွက်အောင်ဆွတ်ရတာ၊ မျက်နှာအဆီမပြန်ဖို့ ဘာလိမ်းညာလိမ်း၊ လက်ပတ်နာရီကဘယ်ဟာ၊ ဦးထုပ်ကဘာဆောင်းသွားမှာ။ သူတို့တစ်ခါပြင် မိန်းကလေးတွေနဲ့မခြားပဲ။

ဒီလောက်ဆို သူတို့ရဲ့ လျှို့ ဝှက်ချက်တွေစုံပြီလို့ထင်ပါတယ်နော်။ နောက်တစ်ခါ မိန်းကလေးတွေ အကြောင်းရေးပေးမယ်နော်။