မင်းသမီး ပတ်မင်ယောင်ဟာ What's Wrong With Secretary Kim ထဲမှာ အတွင်းရေးမှူးမလေးအနေနဲ့ သရုပ်ဆောင်ရင်း ဝတ်ခဲ့တဲ့ ဒီဇိုင်းလေးတွေက အရမ်းနာမည်ကြီးခဲ့ပါတယ်။

Office wear လေးတွေကို အဆင့်အတန်းရှိရှိလေးနဲ့ ခေတ်မီမီလေး ဝတ်ထားတာပါ။ Secretary Kim dress ဆိုပြီး ပုခုံးပေါက်လေးနဲ့ ချည်ဖွန် ဂါဝန်လေးဆို မြန်မာနိုင်ငံမှာပါ အရမ်း ခေတ်စားလိုက်သေးတာနော်။

အခု ၂ပိုင်းပဲ ပြရသေးတဲ့ Forecasting Love and Weather ထဲမှာလည်း ပတ်မင်ယောင်က မိုးလေဝသခန့်မှန်းသူအနေနဲ့ သရုပ်ဆောင်ထားပါတယ်။

ဒီထဲမှာလည်း သူမရဲ့ ရုံးတက်တဲ့ ဖက်ရှင်ကို မရိုးမဆန်းလေး မြင်ကြရပါတယ်။ ဒီတစ်ခါတော့ မောင်လေး Song Kang နဲ့ တွဲတဲ့ မမ ဖြစ်နေတော့ ပိုပြီးတည်ငြိမ်တဲ့ ဒီဇိုင်းလေးတွေ ဝတ်လာတာ တွေ့ရပါတယ်။

ကိုရီးယားမလေးတွေ ထုံးစံအတိုင်း အင်္ကျီအပေါ်ထပ်လေးတွေနဲ့ Layered စတိုင် လုပ်ထားတာကို တွေ့ရမှာပါ။ နားကပ်သေးသေးလေးတွေနဲ့ ကပိုကရိုလေး အလှဆင်ထားပြီး မိတ်ကပ်ကိုလည်း တတ်နိုင်သမျှ သဘာဝအတိုင်း ပါးပါးလေးပဲ လိမ်းပါတယ်။

အရောင်ရွေးချယ်ရာမှာလည်း Neutral ဘက်သွားတဲ့ အဖြူ၊ အညို၊ အသားရောင်၊ မိတ်ကပ်ရောင် စတဲ့ အရောင်ငြိမ်ငြိမ်လေးတွေပဲ ရွေးထားတာ တွေ့ရပါတယ်။ တည်ငြိမ်သူ မမပေါ့။

သူမက ဒီထဲမှာ အရမ်းစျေးကြီးတာတွေ မဝတ်ဘဲ တကယ့် ရုံးဝန်ထမ်း မိန်းကလေးတွေ တတ်နိုင်ကြတဲ့ ပုံစံမျိုးပဲ ဝတ်ထားပါတယ်။ ဒါကြောင့်လည်း သူမရဲ့ ဖက်ရှင်တွေက လိုက်ဝတ်လို့ လွယ်တာကြောင့် ပိုခေတ်စားတာပါ။

အခုမှ အပိုင်း ၂ ပဲ ထွက်ရသေးတာတောင် သူမရဲ့ တချို့ ဒီဇိုင်းလေးတွေက ဆိုင်တွေမှာ ရောင်းမလောက် ဖြစ်နေပါပြီတဲ့။ နောက်အပိုင်းတွေမှာ ဘယ်လောက်တောင် လှဦးမလဲဆိုတာ ဆက်ကြည့်ရအောင်နော်။

Ref : https://kbizoom.com/check-the-price-of-the-outfits-that-park-min-young-wears-in-forecasting-love-and-weather/