မြန်မာ့ရိုးရာ အတာ သင်္ကြန်ကာလရောက်မှ စားလို့ပိုကောင်းပြီး အရသာပိုပြီးရှိတဲ့ စားစရာလေးတွေ ရှိပါတယ်။ အဲဒီစားစရာလေးတွေထဲကမှ မွန်ရိုးရာသင်္ကြန် ထမင်းလေး အကြောင်း ပြောပြချင်ပါတယ်။ မွန်လူမျိုးတွေရဲ့ စားစရာတွေထဲက တစ်ခုဖြစ်တဲ့ သင်္ကြန်ထမင်းကို သင်္ကြန်ကာလရောက်ရင် စတုဒီသာအဖြစ် ကျွေးမွေးလေ့ရှိပါတယ်။ ဟိုးအရင်အချိန်တွေတုန်းကတော့ သင်္ကြန်ထမင်းကို သင်္ကြန်ရေစိုစိုမှာ ရေပတ်ခံထွက်ပြီး ပြန်လာရင် ဗိုက်ဆာဆာနဲ့ စားကြပါတယ်။
ရေစိုစို ဗိုက်ဆာဆာဖြစ်နေတဲ့ အချိန်မှာ သင်္ကြန်ထမင်းကို စားရင်ပိုပြီး အရသာရှိတယ်လို့ ရှေးလူကြီးတွေရဲ့ ပြောစကားအရ သိရပါတယ်။ သင်္ကြန်ထမင်းစားပုံလေးကို ပြောပြီးပြီဆိုတော့ သင်္ကြန်ထမင်းလေးအကြောင်းကို ရှင်းပြပေးသွားပါမယ်နော်။
မွန်ရိုးရာ သင်္ကြန်ထမင်းလေးက နူးအိနေအောင် တည်ထားတဲ့ ထမင်းကိုမှ အပေါ်က ဖယောင်းရည် (သို့) နံ့သာရည်လေး စမ်းပြီးစားရတာဖြစ်ပါတယ်။ သင်္ကြန်ထမင်းထဲမှာပါတဲ့ ဖယောင်းနံ့ နဲ့ နံသာနံ့ကို ကြိုက်တဲ့သူတွေ ရှိသလို မကြိုက်တဲ့ သူတွေလည်း ရှိပါတယ်။ တချို့ကလည်း အနံ့ပါတာမျိုးမကြိုက်လို့ ရိုးရိုးရေလေးနဲ့ စမ်းစားတာလည်း ရှိပါတယ်။
သင်္ကြန်ထမင်းကို ဒီအတိုင်း ဖယောင်းရည် စမ်းပြီးစားသလို ရေခဲတုံးလေးတွေ ထည့်ပြီး အေးအေးလေးလည်း စားကြပါတယ်။ သင်္ကြန်ထမင်းရဲ့ အသက်က ငါးခြောက်နဲ့သရက်သီးကို ကြက်သွန်နီ များများနဲ့ ထောင်းပြီး ကြော်ထားတဲ့ သင်္ကြန်ကြော်လေးဖြစ်ပါတယ်။ သင်္ကြန်ကြော်လေးရဲ့ အရသာက ချိုချဉ်အရသာလေးပါ။ ငါးခြောက်ထောင်းလေးရဲ့ အချိုဓာတ်နဲ့ သရက်သီးလေးရဲ့ အချဉ်ဓာတ်ပေါင်းစပ်ထားလို့ ချိုချဉ်လေး ဖြစ်နေတာပါ။
သင်္ကြန်ထမင်းလေးစားရင် နောက်ထပ် မပါမဖြစ်လေးက ငရုတ်သီးကြော် ကြွပ်ကြွပ်လေးဖြစ်ပါတယ်။ ငရုတ်သီးကြော် ကြွပ်ကြွပ်လေးကို တစ်ကိုက်လောက်ကိုက်ပြီး သင်္ကြန်ထမင်းအေးအေးလေးကို သင်္ကြန်ကြော်လေးနဲ့ တစ်လုပ်လောက် စားလိုက်ရရင်တော့ လုံးဝကိုနတ်ပြည်တတ်သွားသလို ခံစားချက် ဖြစ်သွားစေမှာပါ။
တစ်ခါတစ်ခေါက်လောက်ကို မြည်းစမ်းကြည့်သင့်တဲ့ မြန်မာ့ရိုးရာ သင်္ကြန်ထမင်းလေးအကြောင်းကို ဗဟုသုတရဖွယ် ဖော်ပြပေးလိုက်ပါတယ်။
Source – Own Experience
Omage - Google
Bong I.T