မြန်မာနိုင်ငံမှာ ငလျင်အကြီးအကျယ်လှုပ်နိုင်တဲ့ အလားအလာတစ်ခုကို အိန္ဒိယပညာရှင်တွေ ခန့်မှန်းထားကြ

၂၀၀၄ ခုနှစ်က အိန္ဒိယသမုဒ္ဒရာမှာ ငလျင်နဲ့ ဆူနာမီ လှိုင်းလုံးတွေ အကြီးအကျယ် ဖြစ်သွားခဲ့ပါတယ်။ အဲဒီ ဒဏ်ကို အင်ဒိုနီးရှား၊ သီရိလင်္ကာ၊ အိန္ဒိယနဲ့ ထိုင်းနိုင်ငံတွေက အဓိက ခံစားခဲ့ရပြီး လူပေါင်း ၂ သိန်း​ကျော် အသက်ဆုံးခဲ့ပါတယ်။

ဒီ ငလျင်ကို ဖြစ်သွားစေတဲ့ အကြောင်းရင်းက မြန်မာနိုင်ငံနဲ့ အိန္ဒိယနိုင်ငံကြားမှာ ရှိနေတဲ့ ပြတ်ရွေ့ကြောကြောင့် ဖြစ်ပါတယ်။

လူတော်တော်များများက မြန်မာနိုင်ငံမှာ နောက်ထပ် ပြတ်ရွေ့တစ်ခု ရှိနေတာ မသိကြဘူးလို့ အိန္ဒိယ ပထဝီပညာရှင်တစ်ယောက်က သူ့ရဲ့ facebook မှာ မနေ့က ရေးသားခဲ့ပါတယ်။ ဆူမားတြားကျွန်းဆွယ်အနီးမှာ Subduction zone လို့ခေါ်တဲ့ ငလျင်ဖြစ်စေနိုင်တဲ့ ဧရိယာတစ်ခု ရှိနေတာပါ။ 

အဲဒီ ဧရိယာလေးက နီကိုဘာကျွန်းနဲ့ အန်ဒမန်ကျွန်းတွေ နားမှာ ရှိနေတာ ဖြစ်ပါတယ်။ တနင်္သာရီ အနီး၊ အိန္ဒိယသမုဒ္ဒရာ၊ ဘင်္ဂလားပင်လယ် စတာတွေနဲ့ နီးစပ်တဲ့နေရာတွေပါ။

မြန်မာနိုင်ငံဟာ အနောက်ဘက်မှာ အိန္ဒိယ ပြတ်ရွေ့နဲ့ အရှေ့ဘက်မှာ Sunda ပြတ်ရွေ့ ၂ ခု ကြား ညပ်နေတာ ဖြစ်ပါတယ်။ တစ်ချိန်မှာ မြန်မာနိုင်ငံ ပြတ်ရွေ့နဲ့ တိုက်မိပြီး Subduction ဖြစ်လာမယ်လို့ အိန္ဒိယပညာရှင်တွေက ပြောပါတယ်။

အဲဒီရဲ့ နောက်ဆက်တွဲအနေနဲ့ ပြင်းအား ၈-၉ မက်ဂနီကျုဒ်ရှိတဲ့ ငလျင် လှုပ်နိုင်ပါတယ်တဲ့။ အဲဒီငလျင်ဟာ ပြတ်ရွေ့ကြောတည်ရှိနေတဲ့ မြန်မာနိုင်ငံနဲ့ ထိုင်း၊ ဘင်္ဂလားဒေ့ရှ်၊ အိန္ဒိယ၊ အင်ဒိုနီးရှားနိုင်ငံတွေကို လှုပ်ခတ်စေမှာပါ။ 

ဘယ်အချိန်မှာ ဖြစ်မယ်ဆိုတာ မသိပေမဲ့ တစ်ချိန်ချိန် သေချာပေါက်ဖြစ်မှာမို့ သတိပေးတာဆိုပြီး ရေးသားခဲ့ပါသေးတယ်။

Ref : https://www.facebook.com/134331917115241/posts/951857042029387/