အမျိုးသားတစ်ဦးဟာ သတို့သမီးဖြစ်သူက မင်္ဂလာဆောင်မှာ သီချင်းတစ်ပုဒ်ဆိုခဲ့ပြီး ကပြဖျော်ဖြေခဲ့တာကြောင့် မိသားစုအချင်းများမှု ဖြစ်ပွားကာ ကွာရှင်းပြတ်စဲခဲ့ကြောင်း သိရှိရပါတယ်။ ဘဂ္ဂဒက်မှာ ကျင်းပတဲ့ ဒီမင်္ဂလာဆောင်အခမ်းအနားမှာ အငြင်းအခုံဖြစ်ပြီးနောက် အတိုဆုံးအိမ်ထောင်ရေးအဖြစ် စံချိန်သစ်တင်လိုက်တာပဲ ဖြစ်ပါတယ်။ ဒေသဆိုင်ရာသတင်းများအရ အမျိုးသမီးဟာ Lamis Kan သီဆိုထားတဲ့ ဆီးရီးယားသီချင်း Mesaytara ကိုတောင်းဆိုခဲ့တာဖြစ်ပါတယ်။
သီချင်းခေါင်းစဉ်ကို ဘာသာပြန်လိုက်ရင်တော့ " ငါကလွှမ်းမိုးနိုင်သူ " ဒါမှမဟုတ် " ငါမင်းကို ထိန်းချုပ်မယ် " ဆိုတဲ့ အဓိပ္ပာယ်ရှိပါတယ်။ သီချင်းရဲ့စာသား အစကတော့ "ငါက လွှမ်းမိုးနိုင်သူ၊ ငါ့ရဲ့ တင်းကျပ်တဲ့ ညွှန်ကြားချက်တွေအောက်မှာ မင်းကို အုပ်ချုပ်မယ်၊ လမ်းပေါ်မှာ တခြားကောင်မလေးတွေကို မင်းကြည့်ရင် ငါ မင်းကို အရူးဖြစ်အောင်လုပ်မယ်။ ဟုတ်တယ်၊ ငါက ကြီးစိုးတယ်၊ မင်းက ငါ့သကြားတစ်ခြမ်းပဲ၊ မင်း ငါနဲ့ ရှိနေသရွေ့ မင်း ငါ့အမိန့်အတိုင်း လိုက်နာရလိမ့်မယ်။" ဆိုပြီးဖြစ်ပါတယ်။
သတို့သမီးဟာ သီချင်းဆိုရင်း ကပြဖျော်ဖြေကာ မင်္ဂလာပွဲအား ပျော်မွေ့နေခဲ့သည်ဟု သတင်းရပေမယ့်လည်း သတို့သားရဲ့မိသားစုမှာ အထင်ကြီးခြင်းမရှိဘဲ မိသားစုနှစ်ခုကြားတွင် ကြီးမားသောအငြင်းပွားမှုများ ဖြစ်ပေါ်ခဲ့ပါတယ်။ ဒီလိုဖြစ်ရတာဟာ ဒါပထမဆုံးအကြိမ်မဟုတ်ပါဘူး။ ဒီသီချင်းကြောင့် ပြီးခဲ့တဲ့နှစ်မှာတုန်းက ဂျော်ဒန်မှာ ကွာရှင်းမှုတစ်ခုရှိခဲ့ပါတယ်။
သတင်း အရင်းအမြစ်៖ Mirror
Bong I.T