ပြီးခဲ့တဲ့ ဒီဇင်ဘာက တွစ်တာအသုံးပြုသူတစ်ယောက် ဖြစ်တဲ့ Rob N Roll အမည်ရ အကောင့်ပိုင်ရှင်ဟာ ချစ်စရာကောင်းတဲ့ နွားပေါက်လေးတွေ ပုံကို တင်ခဲ့ပြီး နှစ်သက်သူနဲ့  ဝေမျှသူ အများအပြား ရခဲ့ပါတယ်။

အမေရိကန်ပြည်ထောင်စုမှာ ဆောင်းတွင်းဆို အအေးလွန်ကဲတာကြောင့် နွားပေါက်လေးတွေရဲ့ နားရွက်ကလေးတွေကို နွေးထွေးအောင် အထူးပြုလုပ်ထားတဲ့ နားရွက်စွပ်ကလေးတွေနဲ့ ပုံကို တင်ခဲ့တာပါ။ အရုပ်ကလေးတွေလို ချစ်ဖို့ကောင်းလို့ လူတွေက နှစ်သက်ခဲ့ကြပြီး သူတို့မွေးထားတဲ့ နွားလေးတွေအတွက်ပါ လုပ်ပေးချင်လာကြပါတယ်။

တကယ်တော့ ၂၀၁၉ ခုနှစ်က အမေရိကန်ပြည်နယ် ဝစ်စကိုစင်ပြည်နယ်က လယ်ပိုင်ရှင် ညီအစ်မဟာ သူတို့ နွားတင်းကုပ် မီးလောင်သွားတာမို့ အမိုးအကာမရှိဘဲ ချမ်းနေတဲ့ နွားပေါက်လေးတွေအတွက် ဒီဟာလေးကို စတင် တီထွင်ခဲ့တာလို့ သိရပါတယ်။

အခုချိန်မှာတော့ နာမည်ကြီးနေပြီး Etsy လို ဘရန်းတွေကပါ ထုတ်လုပ်ရောင်းချနေကြပါပြီ။ အပူပိုင်းဒေသ ဖြစ်တဲ့ မြန်မာနိုင်ငံမှာတော့ မလိုအပ်လှပေမဲ့ ချစ်စရာကောင်းလို့ ဝေမျှလိုက်ပါတယ်။