မိန်းမဖြစ်သူဆိကနေ လွတ်မြောက်ဖို့အတွက် ရဲစခန်းထိလာပြီး မိမိကို ထောင်ထဲထည့်‌ေပးဖို့ တောင်းဆိုခဲ့တဲ့ အီတလီအမျိုးသား

တချို့သောလူတွေအတွက်တော့ ထောင်ထဲသွားရတာဟာ လွတ်လပ်မှု တစ်ခုလိုပါပဲ။ အီတလီနိုင်ငံရှိ အမျိုးသားတစ်ဦးဟာ အိမ်တွင် ဇနီးဖြစ်သူနှင့်အတူ မနေထိုင်နိုင်တော့ပဲ သည်းခံစိတ်တွေလည်း ကုန်နေပြီးမို့ ရဲစခန်းကိုလာပြီး ထောင်ထဲထည့်ပေးဖို့ တောင်းဆိုခဲ့ပါတယ်။ သူဟာလည်း နေအိမ်အကျယ်ချုပ်နဲ့ အချခံထားရသူမို့ မိန်းမနဲ့အတူ နေထိုင်နေရတာဖြစ်ပါတယ်။

ရောမမြို့အပြင်ဘက်ရှိ Guidonia Montecelio တွင်နေထိုင်သော အသက် 30 နှစ်အရွယ် အယ်လ်ဘေးနီးယန်းနိုင်ငံသားဟာ "သူရဲ့ဇနီးနှင့် အတင်းအကြပ် ပေါင်းသင်းဆက်ဆံခြင်းကို ခံနိုင်ရည်မရှိတော့ပါ" ဟု အနီးနားရှိ Tivoli Carabinieri ရဲတပ်ဖွဲ့က ထုတ်ပြန်ချက်တွင် ဖော်ပြထားပါတယ်။ “ အခြေအနေတစ်ခု‌ကြောင့် သူဟာ သံတိုင်တွေနောက်ကွယ်မှာ ပြစ်ဒဏ်ကျခံဖို့ Carabinieri ကို သူ့ဘာသာလာခဲ့ပြီး တောင်းဆိုခဲ့တာပါ ” လို့ ရဲတပ်ဖွဲ့၀င်တစ်ဦးမှ ရေးသားဖော်ပြခဲ့ပါတယ်။

အဆိုပါအမျိုးသားဟာ မူးယစ်ဆေးဝါးရာဇ၀တ်မှုများဖြင့် လပေါင်းများစွာ နေအိမ်အကျယ်ချုပ်ကျခံခဲ့ရပြီး အမှုမှလွတ်ရန် နှစ်အနည်းငယ်သာ ကျန်ရှိတော့ကြောင်း Tivoli Carabinieri မှ ဗိုလ်ကြီး Francesco Giacomo Ferrante က AFP ကို ပြောကြားခဲ့ပါတယ်။ "သူအိမ်မှာ သူ့မိန်းမနဲ့ မိသားစုနဲ့အတူနေခဲ့ပါတယ်။ အဲ့လိုနေရတာဟာ သူ‌့အတွက် အဆင်မပြေခဲ့ပါဘူး " လို့ Ferrante က ပြောပါတယ်။

" သူက နားထောင်ပါ၊ ငါ့အိမ်တွင်းရေးဘဝက ငရဲဖြစ်သွားပြီ၊ ငါ မလုပ်နိုင်တော့ဘူး၊ ထောင်ထဲပဲသွားချင်တယ်" လို့ Ferrante က ထောင်ထဲသွားချင်တဲ့ အမျိုးသား သူ့ကိုပြောပြတာတွေကို ပြန်ပြောခဲ့ပါတယ်။ ခုချိန်မှာ‌ေတာ ဒီအမျိုးသားကို နေအိမ်အကျယ်ချုပ် ဖောက်ဖျက်မှုဖြင့် သူဟာ ဖမ်းဆီးခံခဲ့ရပြီး တရားရေးအာဏာပိုင်များက သူ့ကုိ အကျဉ်းထောင်ဆိ လွှဲပြောင်းရန် အမိန့်ချခဲ့ပါတယ်။ သူ့အတွက်တော့ ဒီလိုလွှဲပြောင်းခံရတာဟာ ကံကောင်းတယ်လို့ပဲ သတ်မှတ်နေပါတယ်။

သတင်း အရင်းအမြစ်៖ IOL