ကျိုက်နဲရေလယ်ဘုရားရှိနတ်လမ်းကဲ့သို့ တောင်ကိုရီးယားနိုင်ငံရှိ ဂျင်ဒိုကျွန်းလမ်း

https://s9.kh1.co/05/05c97f7f831f816aa152d3d05481822e93bf8fff.jpg
ဗဟုသုတအဖြာဖြာ
 24-Nov-2021 2pm · 9 months ago

ကျိုက်နဲရေလယ်ဘုရားရှိနတ်လမ်းကဲ့သို့ တောင်ကိုရီးယားနိုင်ငံရှိ ဂျင်ဒိုကျွန်းလမ်း

ကျိုက်နဲရေလယ်ဘုရားကိုဖြတ်ပြီးသွားရတဲ့ ဒေသအခေါ် နတ်လမ်းမှာ လူအများရေနစ်သေဆုံးခဲ့ရတဲ့ ကိစ္စနှင့် ပတ်သတ်ပြီး အခုတလော လူပြောအရမ်းများနေခဲ့ပါတယ်။ ဘူမိဗေဒသဘောအရ သဘာဝအလျောက်ဖြစ်နေတဲ့ နတ်လမ်းကဲ့သို့ သဲခုံစွယ်များကလည်း ကမ္ဘာပေါ်မှာ အများကြီးပါပဲ ။ကျိုက်နဲဘုရားက နတ်လမ်းပုံစံမျိုး တောင်ကိုရီးယား ဂျင်ဒိုကျွန်းမှာလည်း ရှိပါတယ်။ တောင်ကိုရီးယားလူမျိုးတွေကလည်း အဲဒီနေရာကို ပင်လယ်နတ်မင်းကြီးဖောက်ပေးခဲ့တဲ့လမ်း ၊ အံ့သြဖွယ်ရာ ပင်လယ်ပေါ်ကလမ်း ဆိုပြီး ယုံကြည်ကြပါတယ်။

Google
Google
Google
Google
Google
Google

ဂျင်ဒိုကျွန်းဟာတောင်ကိုရီးယားနိုင်ငံမှာရှိတဲ့ တတိယမြောက်အကြီးဆုံးကျွန်းတွေထဲက တစ်ခုဖြစ်ပြီး နှစ်စဉ်နှစ်တိုင်း ခရီးသွားများဖြင့်စည်ကားနေတဲ့ နေရာလေးဖြစ်ပါတယ်။ဂျင်ဒိုကျွန်းမှာ နှစ်စဉ် နွေဦးရာသီ (သို့မဟုတ်) နွေရာသီလထဲကတစ်ရက်ရက်မှာ (တစ်နှစ်မှာနှစ်ကြိမ် အချိန်နာရီပိုင်းလောက်ခန့် )ပင်မဂျင်ဒိုကျွန်းနှင့် မိုဒိုကျွန်းငယ် အလယ်မှာ လမ်းလေးတစ်လမ်းပေါ်လာပါတယ်။အဲဒီလမ်းလေးပေါ်လာတဲ့နေ့ဆိုရင် ဒေသခံတွေရဲ့ ကိုးကွယ်ယုံကြည်မှုတွေအရ ပွဲတော်တစ်ခု စည်ကားသိုက်မြိုက်စွာပြုလုပ်လေ့ရှိတယ်လို့ သိရပါတယ်။

Google
Google
Asian Gallery
Asian Gallery

မြန်မာတွေလူမျိုးတွေက နတ်လမ်းလို့ ခေါ်ဆိုကြသလို တောင်ကိုရီးယားလူမျိုးတွေကလည်း သူတို့ရဲ့ယုံကြည်ကိုးကွယ်မှုတွေအရ ပင်လယ်နတ်မင်းကြီးဖောက်ပေးတဲ့လမ်းလို့ ခေါ်ဝေါ်ကြပါတယ်။ လမ်းရဲ့ အရှည်က ၁ မိုင်နှင့် ၇ ဖာလုံရှိတယ်လို့ သိရပါတယ်။

Google
Google

နှစ်စဉ်နှစ်တိုင်း ရေကျပြီး လမ်းပေါ်လာချိန် အချိန်တစ်နာရီခန့်အတွင်းမှာ ဖြတ်သန်းသွားလာကြသူတွေ အများကြီးပါပဲ။ မြန်မာနိုင်ငံက ကျိုက်နဲဘုရားကိုသွားတဲ့ နတ်လမ်းကိုတော့ လူတွေအများကြီးမသိရှိသေးပေမယ့် တောင်ကိုရီးယားနိုင်ငံမှာရှိတဲ့ ဂျင်ဒိုကျွန်းလမ်းလေးကတော့ ကမ္ဘာလှည့်ခရီးသွားတွေအများအပြားကိုပါ ဖမ်းစားနိုင်တဲ့ နေရာလေးတစ်ခု ဖြစ်လို့နေပါပြီ။

Google
Google
Hsu Sandar Aung
Maria Emily Hsu

ဆက်စပ်သတင်း