ပေါင် ၄၀၀ ခန့်ရှိတဲ့ကျားကြီးနဲ့ ခင်ခင်မင်မင် အရင်နှီးဆုံး သူငယ်ချင်းဖြစ်နေသူ အမျိုးသား

//s9.kh1.co/ff/ff84a8578b3687f7a2dc187578221b44ef279ee6.jpg
ဗဟုသုတအဖြာဖြာ

 ၁၈-အောက်-၂၀၂၁ ၁pm · လွန်ခဲ့သော ၄ နှစ် က

.

လူတွေဟာ တိရစ္ဆာန်ပေါင်းစုံနဲ့ မိတ်ဆွေဖြစ်တတ်ကြပေမယ့် အသားစားသတ္တဝါတွေနဲ့ မိတ်ဆွေဖြစ်ဖို့ကိုတော့ ရှောင်ကြဉ်လေ့ရှိကြပါတယ်။ အကြောင်းကတော့ အချိန်မရွေး ဒုက္ခပေးနိုင်လို့ပါ။ အနည်းငယ်သောလူတွေကသာ ဒီလိုသတ္တဝါတွေနဲ့ တရင်းတနှီးနေလေ့ရှိပြီး မွေးမြူးကြလေ့ရှိပါတယ်။ အခုလည်း အင်ဒိုနီးရှားက Sholeh ဆိုတဲ့ အသက် ၃၅ နှစ်အရွယ်အမျိုးသားဟာ သန်မာတဲ့ ကျားမတစ်ကောင်နဲ့ မိတ်ဆွေဖြစ်နေတာ ဆယ်စုနှစ် တစ်ခု ရှိပြီလို့ သိရပါတယ်။

https://s9.kh1.co/__image/w=600,h=400,q=100/e5/e5ffdbd6d65cd46732cf31e061fdcaa26689d3b7.jpg

Sholeh ဟာ အသက် ၃လသာ ရှိတဲ့ ကျားမလေးတစ်ကောင်ကို လွန်ခဲ့တဲ့ ၁၀နှစ်‌ေကျာ်တည်းက ထိန်းလာခဲ့တာဖြစ်ပါတယ်။ ကျားမလေးရဲ့ မူလပိုင်ရှင်ဟာ သူမကို ဂရုမစိုက်နိုင်တော့တဲ့အတွက် Malang က Islamic ကျောင်းတစ်ကျောင်းကို လှူဒါန်းခဲ့တာပါ။ အဲဒီတုန်းက Sholeh ဟာ အသက် ၂၅ နှစ်သာ ရှိသေးပြီး အဲဒီအချိန်တည်းက ကျားမလေးကို ထိန်းကျောင်းခဲ့တာပဲဖြစ်ပါတယ်။ ကျားမလေးရဲ့နာမည်က Mulan Jamillah ဟာဖြစ်ပြီး Sholeh ဟာ သူမနဲ့ အချိန်ပြည့် ၂၄ နာရီရှိနေတတ်ပါတယ်။ တခါတလေ Sholeh ပျောက်နေရင် သူမဟာ နေလို့ထိုင်လို့မရဖြစ်နေတတ်ပါတယ်။ သူတို့နှစ်ဦးဟာ အတူဆော့ ၊ အတူအိပ်လေ့ရှိတဲ့အတွက် Sholeh ကို အားလုံးက ကလေးထိန်း (The Nanny) လို့နာမည်ပြောင်ပေးထားကြပါတယ်။

https://s9.kh1.co/__image/w=600,h=346,q=100/c7/c71cf7c071e22b0f4eec3ec86c41da683d36739c.jpg

“ကျွန်တော် သူမနဲ့ အတူဆော့တယ် ၊ အိပ်တယ် ၊ သူမကို အစာကျွေးတယ် ၊ ဒါကျွန်တော့်ရဲ့နေ့စဉ်အလုပ်ပါပဲ၊ ဒီလိုနေရတဲ့အတွက် ပျော်ပါတယ်” လို့ Sholeh က Barcroft TV သတင်းဌာကိုပြောကြားခဲ့ပါတယ်။ သူတို့နှစ်ဦးဘယ်လောက်ရင်းနှီးရင်းနှီး ၊ ကျားမလေးဟာ ဘယ်လောက်ယဉ်ယဉ် အခုအချိန်မှာတော့ ပေါင် ၄၀၀ ၀န်းကျင် ကျားကြီးတစ်ကောင်ဖြစ်လာပြီဖြစ်တဲ့အတွက် အချိန်မရွေး အန္တရာယ်ပေးနိုင်နေပါပြီ။ “သူဟာ တိရစ္ဆာန်သာဖြစ်တဲ့အတွက် တိရစ္ဆာန်အသိဉာဏ်ပဲ ရှိမယ်ဆိုတာ ကျွန်တော်နားလည်ပါတယ်။ သူ့ကိုယ်သူတော့ ကြောင်လို့ ထင်နေပုံရပါတယ်။ သူနဲ့ ကျွန်တော်ဆော့ကစားတဲ့အခါ ကုတ်တတ်ခြစ်တတ်လေ့ရှိပါတယ်။ ဒါဟာတော်တော်ဆိုးပါတယ်။ ကျွန်တော့်တစ်ကိုယ်လုံးမှာ သူ့ရဲ့ကုတ်ရာခြစ်ရာတွေချည်းပါပဲ” လို့ အမျိုးသားက ဆိုပါတယ်။

https://s9.kh1.co/__image/w=600,h=395,q=100/a0/a0565f37acd5f49f768d3c814c0354fa5b13d02a.jpg

Sholeh ဟာ Mulan ကို တစ်နေ့ ၆ ကီလိုရှိတဲ့ ကြက်သား (သို့) ဆိတ်သား ကို ကျွေးရပါတယ်။ Mulan ဟာ အသားတွေကိုသာမကပဲ အသင့်စားခေါက်ဆွဲခြောက်ကိုလည်း ကြိုက်နှစ်သက်ပါတယ်။ ဘယ်သူတွေဘယ်လိုပြောနေပေမယ့် အခုဆို ကျွန်တော်တို့ရင်းနှီးခဲ့တာ ၁၀နှစ်‌ေကျာ်ရှိခဲ့ပါပြီ။ ဆက်ပြီးတော့လည်း ဒီထက် ပိုရင်းနှီးဖို့ပဲ ရှိပါတယ် လို့ Sholeh က ပြောသွားပါတယ်။

https://s9.kh1.co/__image/w=650,h=391,q=100/60/60c1e1c650cb5698f148fd05a680480a6d60573e.jpg
https://s9.kh1.co/__image/w=634,h=773,q=100/08/081a51583471a6a1b8aece4c0fa5214d887f7f86.jpg

သတင်း အရင်းအမြစ် Daily Mail

Tun Lin Aung
Aung

ဆက်စပ်သတင်း

မူပိုင်ခွင့် Mediaload
Powered by Bong I.T Bong I.T