ဒီတစ်ခါဖော်ပြပေးမယ့် အကြောင်းအရာလေးကတော့ ၁၉၇၃ ခုနှစ်လောက်တုန်းက အင်္ဂလန်နိုင်ငံမှာ အတော်လေးကို နာမည်ကြီးပြီး လူပြောများစေခဲ့တဲ့ အဖြစ်အပျက်တစ်ခုအကြောင်းပဲ ဖြစ်ပါတယ်။ ဖြစ်ပုံကတော့ Charlie Hickson နဲ့ Calvin Parker လို့အမည်ရတဲ့ အမျိုးသားနှစ်ယောက်ဟာ ရဲဌာနကို လာရောက်ပြီး အမှုဖွင့်ခဲ့ပါတယ်။ အမှုဖွင့်တယ်ဆိုတာ အထူးအဆန်းကိစ္စမဟုတ်သော်လည်း သူတို့ရဲ့ အမှုကတော့ အတော်လေးကို ထူးဆန်းတယ်လို့ ပြောလို့ရပါတယ်။
သူတို့ရဲ့ ပြောကြားချက်အရ ပုဇွန်လိုလက်တွေအများကြီးရှိတဲ့ ဂြိုလ်သားတွေဟာ သူတို့နှစ်ယောက်ကို အမည်မသိတဲ့နေရာတစ်နေရာကို ဖမ်းဆီး ခေါ်ဆောင်သွားတာခံခဲ့ရတယ်လို့ ပြောကြားခဲ့ပါတယ်။ သူတို့နှစ်ယောက်လုံးဟာ အဲ့ဒီအချိန်မှာ တစ်ယောက်နဲ့ တစ်ယောက် အခန်းမတူပဲ စစ်ဆေးတာခံခဲ့ရတယ်လို့လည်း ထပ်မံပြောကြားခဲ့ပါတယ်။ ရဲအရာရှိတွေကတော့ သူတို့ရဲ့ ထွက်ဆိုချက်တွေကို မယုံကြည်ကြတာကြောင့် မုသားဖော်စက်ဖြင့် စစ်ဆေးခဲ့ပါတယ်။
မုသားဖော်စက်ဆိုတာ ဆိုသည်မှာ စက်ကိရိယာများဖြင့် နှလုံး သွေးကြော ဦးခေါင်းတို့ကို ထောက်ထားပြီး မုသားပြောလျင် အချက်ပြသည့် စနစ်ဖြစ်ပါတယ်။ ဒီလို စစ်ဆေးတဲ့အခါမှာတော့ ထူးဆန်းစွာနဲ့ပဲ သူတို့နှစ်ယောက် ထွက်ဆိုသည့် စကားများ အားလုံး အမှန်ဖြစ်နေတာကြောင့် အမှုဖွင့်ခွင့်ပေးခဲ့ရပါတယ်။ ဒီလိုအဖြစ်အပျက်တွေဟာ အရင်တုန်းကလည်းရှိခဲ့ပြီး ရဲအရာရှိတွေကို အကြပ်ရိုက်စေခဲ့ရပါတယ်။ ပရိသတ်ကြီးရော ဒီလိုအဖြစ်အပျက်တွေဟာ တကယ်ဖြစ်နိုင်လား ၊ မဖြစ်နိုင်ဘူးလားဆိုတာ ထင်မြင်ချက်တွေ ပေးခဲ့ပါအုန်းနော်။
သတင်း အရင်းအမြစ်៖ Mirror
Bong I.T