နေပူထဲမှာ ပင်ပင်ပန်းပန်းဓားသွေးပြီး ဝမ်းရေးဖြေရှင်းနေရတဲ့ မျက်မမြင်အဘအတွက် ငွေကြေးထောက်ပံ့ပေးခဲ့တဲ့ လူရွှင်တော်မိုးစက် - Myanmarload

နေပူထဲမှာ ပင်ပင်ပန်းပန်းဓားသွေးပြီး ဝမ်းရေးဖြေရှင်းနေရတဲ့ မျက်မမြင်အဘအတွက် ငွေကြေးထောက်ပံ့ပေးခဲ့တဲ့ လူရွှင်တော်မိုးစက်

https://s9.kh1.co/ff/ff895c6a1cbc9f2c4b6b755b3837433d099439bf.png
အနုပညာရှင်များ
 19-Sep-2021 4pm · a month ago

..

အသက်အရွယ်ကြီးရင့်သူတွေဟာ အလုပ်ကြမ်းတွေနဲ့ မသင့်တော်ပေမယ့် ဝမ်းရေးအခက်အခဲနဲ့ ကြုံလာတဲ့အချိန်မှာ အရိပ်အောက်အေးအေးလူလူမနေနိုင်တော့ဘဲ ဘဝကိုပင်ပင်ပန်းပန်းဖြတ်သန်းနေရသူတွေလည်း မနည်းပါဘူး။ ဒီနေ့မှာတော့ လူရွှင်တော်မိုးစက်ဟာ အသက် (၇၀) ရှိနေပေမယ့် နေပူထဲမှာ တစ်လမ်းဝင်တစ်လမ်းထွက်နဲ့ ဓားသွေးပြီး ဝမ်းရေးဖြေရှင်းနေရတဲ့ အဘဦးမောင်ကြိုင်အတွက် တစ်လစာဖူလုံသွားအောင် ငွေကျပ် (၁၅၀၀၀၀) ကန်တော့ခဲ့ပါတယ်။

https://s9.kh1.co/__image/w=650,h=867,q=100/e8/e8f877972be7019f373639114bce24d0d4c29c1e.jpg
Photo Credit - Moe Sat's FB Acc
https://s9.kh1.co/__image/w=650,h=867,q=100/eb/eb146f552af2fab472cf616cfb590582aab0bf6c.jpg
Photo Credit - Moe Sat's FB Acc

နေပူထဲမှာ ဝမ်းရေးအတွက် ပင်ပင်ပန်းပန်းရုန်းကန်နေရတဲ့သနားစရာအဘအတွက် အခုလိုလှုဒါန်းပေးတာ တကယ်ကိုဝမ်းသာစရာပါ။ အဘကလည်း တစ်သိန်းခွဲကန်တော့တဲ့အပေါ်မှာ ဘာကြောင့်ဒီလောက်အများကြီး ကန်တော့တာလဲလို့တောင် ပြန်မေးခဲ့ပါသေးတယ်။ ဒီအပေါ်မှာလည်းမိုးစက်က အဘတစ်လလုံးအေးအေးလူလူနေရအောင် ကန်တော့တာဖြစ်ကြောင်း ပြန်လည်ပြောပြခဲ့ပါသေးတယ်။ မြေးမလေးတစ်ယောက်နဲ့ ဘဝကိုခက်ခက်ခဲခဲ ဖြတ်သန်းနေရတဲ့အဘအတွက်တော့ မိုးစက်ကန်တော့လိုက်တဲ့ ငွေတစ်သိန်းခွဲဟာ အဖိုးမဖြတ်နိုင်အောင်ပါပဲ။

https://s9.kh1.co/__image/w=650,h=867,q=100/fc/fc391bf202d9f6c794f0f6042da442bbf5ff8fdd.jpg
Photo Credit - Moe Sat's FB Acc
https://s9.kh1.co/__image/w=650,h=736,q=100/72/72a7855028a938f8139b990e00df118a0782aa06.jpg
Photo Credit - Moe Sat's FB Acc

အိမ်ငှားရမ်းခအဖြစ် တစ်လကို ငွေငါးသောင်းကျပ်ပေးရပြီး စားဝတ်နေရေးအတွက်လည်း ရုန်းကန်ရတာကြောင့် ဒီကာလကြီးမှာ မလွယ်ကူလှပါဘူး။ အခုလိုလှူဒါန်းပေးတာကြောင့် အဘတို့ မြေးအဖိုးလည်း အထိုက်အလျောက်အဆင်ပြေသွားမှာပါ။ မိုးစက်ရဲ့အလှူလေးကို ပရိသတ်တွေကလည်း ဝိုင်းဝန်းပြီးသာဓုခေါ်ဆိုခဲ့ကြပါတယ်။

https://s9.kh1.co/__image/w=650,h=867,q=100/b3/b3930132fe25761c141d54aef47ccb88684a69a2.jpg
Photo Credit - Moe Sat's FB Acc

သတင်းအရင်းအမြစ်Moe Sat's FB Acc

Yee Mon Oo
Candy

ဆက်စပ်ဆောင်းပါး